Read Kalderash Romani Cornilescu Bible 2020 (Romania) Iov 39 Bible Online

Iov 39 - Kalderash Romani Cornilescu Bible 2020 (Romania) bible

Iov 39

¹Jeanes tu kana le văšunea busnea kărăn pehkă puien? Dikhăs tu le čerboaičen kana kărăn?

²Dines tu le šon ande save sî pharea, thai prinjeanes tu o čiro kana kărăn?

³On jeantar, kărăn le puien, thai skăpin iekhatar lengă dukhăndar.

⁴Le puii lengă astarăn zor thai bareon tala o čerii o slobodo, telearăn thai či mai ambolden lende.

⁵Kon meklea slobodo o čiuši o văšuno, skăpindoi les orsave phanglimastar?

⁶Dem les sar bešlimos o pustio, thai e phuw e čioŕî sar than.

⁷O asal anda o ašundimos le četăçăngo, thai či ašunel le çîpimata le stăpînohkă, kai trade les.

⁸Phirăl le baŕlebară kaste arakhăl pehkă xamos, thai phirăl pala sa so dikhăl zălleno.

⁹Kamel o guruw o văšuno te avel ande teo kandimos? Thai bešel o reate kai stîna tiri?

¹⁰Dašti phandesles tu khă šelesa, kaste çîrdel khă amboldimosphuweako? Jeal o pala tute, kaste linčearăl le golomozurea andal xarea?

¹¹Pateas tu ande leste, anda kă lesti zor sî bari? Thai mekăs lehkă tu e sama te buteandi?

¹²Mekăs tu pe leste, andoa andimos le rodurengo tirăngo, kaste tidele pe tiri phuw?

¹³E phakh le štruçosti marăl vesălimasa, ta phenesa kă sî e phakh thai le por le kokostîrkohko.

¹⁴Ta e štruçoaika del pateaimahkă lakă anŕă la phuweakă, thai mekăle te tateon ande tišai.

¹⁵Oi bîstrăl kă o punŕo dašti linčearăle, kă ăkh jiwina poa kîmpo dašti ušteavele andel pînŕă.

¹⁶Sî jungali pehkă puiença ta fal kă či nai lakă. Kă kărdeabuti dăivea, či fala či dă sar!

¹⁷Kă o Dell či deala xaraimos, thai či kărdea lakă rig prinjeandimasti.

¹⁸Kana uštel thai telearăl, asal le grastestar thai lehkă grastearăstar.

¹⁹Tu des zor le grastes, thai xureaves lesti koŕ kha koamasa so činosaol?

²⁰Tu kărs les te xutel sar ograstoŕolačeareko? O armintimos lehko rîsîpil o daraimos.

²¹Ŕandel e phuw, thai, mîndro pehka zoratar, šudel pe pa kukola le înarmome;

²²marăl pehkă khălimos la daratar, či daral, thai či del pe parpale anglai sabia.

²³Bašel e tolba le săjeçănça pe leste, e suliça thai lančea străfean,

²⁴tireol astarimastar, xal e phuw, nai les atărdimos kana bašel e šing.

²⁵Koa ašundimos la šingako fal kă phenel: „Angle!” Dă dural sungal o mardimos, o mui sar le trăsnetohko le šerălebarăngo thai le çîpimata koa mardimos.

²⁶Ta anda tiro prinjeandimos lel pehkă o xulio o xureaimos, thai tinzol pehkă phaka karinavelodes?

²⁷Ta andoa mothodimos tiro vazdel pe o vulturo, thai thol pehko kuibo pel učimata?

²⁸O bešel andel kotoralebaŕăhkă, oče sî les o bešlimos, po gor o zimçome le kotorălebaŕăngo thai po gor le baŕbarăngo.

²⁹Dă oçal dikhăl o xamos, thai tasavel pehkă dikhlimata ando durimos pala leste.

³⁰Le puii lehkă pen lehko rat; thai oče kai sî mullimata, oče sî i o vulturo.”