Read Kalderash Romani Cornilescu Bible 2020 (Romania) Iov 4 Bible Online

Iov 4 - Kalderash Romani Cornilescu Bible 2020 (Romania) bible

Iov 4

¹O Eliafaz anda o Teman lea o divano thai phendea:

²„Te zumavasa te das tukă duma, xoleaosa? Ta kon daštila te ašelmuto?

³Butivar tu sîkadean avrăn, thai zureardean le vast šukă.

⁴Le divanuri tiră vazdine kolen kai perănas, thai zureardean le čeanga kai bandeonas.

⁵Thai akana, kana sî e orba pa tute, san šuko! Akana, kana san azbado tu, biujarăs tu! Nai e dar tiri le Devllestar o nikărimod tiro?

⁶O ajukărdimos tiro, nai o bibezexalimos tiro?

⁷An tukă godi: sao bidošalo xasailo? Save manuši bibezexale sas mudardine?

⁸Pala sode dikhlem me, dăsar kola kai phaŕaven e bikris thai thon e bikris tiden lakă roduri!

⁹Kodola xasaon andoa phurdimos le Devllehko, mudarde la bravalleatar Lehka xolleatar.

¹⁰O çîpimos le leiengo atărdeol, le dandd le puiengă le leiengă sî linčearde!

¹¹O leo o phuro xasardeo anda o naimos le xabenehko, thai le pui la leoaikakă phaŕadeon.

¹²Khă divano čiordinisa'lo ji paša mande, thai o kan muŕo astardea lehkă bašimata lesne.

¹³Ande leaka kana le vedenii la reateakă kovlearăn e godi, kana le manuši sî astardine andekh lindri phari,

¹⁴astardea ma e dar thoa isdraimos, thai sal kokala izdraile mangă.

¹⁵Khă duxo nakhlo paša mande… Sal ball uštile mangă sar le bališekanŕalehkă…

¹⁶Khă tipo khă dikhlimasa biprinjeando sas angla mîŕă iakha. Thai ašundem khă mui kai phenelas lokoŕăs:

¹⁷„Avela o manuši bi došako angloa Dell? Avela o ujo angla Kukoa kai kărdea les?

¹⁸Kana nai pateamos le Devlles či ande Pehkă kanditorea, kana arakhăl O athadimata orta ka Pehkă înjerea,

¹⁹sodença mai but ka kola kai bešen andel khăra la phuweakă, thai kai çîrden peshko kărimos andai phuw, thai dašti aven linčearde sar khă termo!

²⁰Dădroboitu ji reate sî linčearde, xasarde anda orkana, thai khonikh či lel sama lendar.

²¹Šindeol lengo thaw la čivavako: merăn, thai sa či line xaraimos!