Read Kalderash Romani Cornilescu Bible 2020 (Romania) Iov 40 Bible Online

Iov 40 - Kalderash Romani Cornilescu Bible 2020 (Romania) bible

Iov 40

¹O Rai, dea duma le Iovohkă, thai phendea:

²„San pateamno akana tu, kaidesduma Kolesa Asazurallesa? Tu kai xastu le Devllesa, mai sî tu vokh dimosanglal dimahko?”

³O Iov deanglal le Raiehkă, thai phendea:

⁴„Dikta, me sîm but çînoro; so te dautuanglal? Thoau mangă o vast koa mui.

⁵Demduma ăkhdata, thai či mai dauanglal; duarăs, thai či mai thoaua khanči.”

⁶O Rai deanglal le Iovos andoa maškar la bareabravalleako, thai phendea:

⁷„Phande teo maškar sar khă zurallo; ta Me te pušau tu, thai tu te sîkaves Ma.

⁸Kames te xasarăs ji pune i o čeačimos Muŕo? Thai te došarăs Ma, kaste ankalaves teo čeačimos?

⁹Sîtu tut khă vast sar le Devllehko, thai khă mui trăsnetohko sar Lehko?

¹⁰Xureadeo šukar barimasa thai barearimasa, xureadeo străfeaimasa thai slavasa!

¹¹Šor le valurea te xollearimahkă, thai perav le dikhlimasa kolen le barimahkărăn!

¹²Mekhtelal khă dikhlimasa kolen le barimahkărăn, linčear po than kolen le nasulimatahkărăn,

¹³garavle saoŕăn andekhthan ande phuw, văluisar lengo mui ando tuneriko!

¹⁴Thai atunčeara anaua i Me o lăudimos la zurallimahko la čeačeako tireako.

¹⁵Dikh koa ipootamo, savehkă dem les čivava i sar tukă! O xal čear sar o guruw.

¹⁶Dikh so zurallimos sî les andel tičiuri, thai so zor sî les andel muštiuri pehkă păŕăhko.

¹⁷Bandearăl zuralles pesti pori sar khă čedro, thai le vîne lehkă ticurengă sî maškarastarde.

¹⁸Le kokala lehkă sî sar veresar çăvi xarkumakă, le kotora lehkă să sar varesar druguri sastrehkă.

¹⁹O sî o mai baro andal butea kai kărdeale o Dell. Kukoa kai kărdea les deales khă zestrea khă suliça.

²⁰O arakhăl pehko xamos andel baŕlebară, kai khălen pehkă sal jivine le kîmpohkă.

²¹Sovel tala o lotuso, ando maškar le papurengo thai le paiengočikale.

²²O butimos le lotusohko garaveles la ušaleasa pesti, le sălčii le paiorăhkă denlesroata.

²³Te kărdeola ta o nanilaši te anklel avri, o či našel: orta te anklela o Iordano anda pehko gîrteano, o ašela ujeardo.

²⁴Pateas kă dašti astarăs les maladindoi les poa mui? Or pateas kă daštisa te pusaves lehko nakh le kandimasa le phaleango?