Read Kalderash Romani Cornilescu Bible 2020 (Romania) Iov 42 Bible Online

Iov 42 - Kalderash Romani Cornilescu Bible 2020 (Romania) bible

Iov 42

¹O Iov deanglal le Raies, thai phendea:

²„Jeanau kă Tu daštis sa, thai kă khanči našti bešel pa le gîndurea Tiră.” —

³„Kon sî kodoa kai sî les o čealadimos te kalearăl Mîŕă planurea?” — „E, demduma, bi te atearau le, šukarimatăndar, kai sî mai opral sar mande thai save či atearau le.” —

⁴„Ašun Ma, thai dauaduma; pušaua tu, thai sîkavesa Ma.” —

⁵„O kan muŕo ašundeasas dindoi pe duma Tutar; ta akana e iakh mîŕî dikhlea Tu.

⁶Anda kodea mangă greaça mandar thai kăima ande phuw thai ando ušar.”

⁷Pala so deaduma o Rai kadala divanuri le Iovohkă, phendea le Elifazohkă andoa Teman: „E xolli Mîŕî astardi'li pa tute thai pa kola dui amal tiră, anda kă či deanduma kadea dă orta pa Mande, sar deaduma Muŕo robo o Iovo.

⁸Len akana efta guruwiça thai bakrišă, jean ka Muŕo robo o Iov, thai anen khă phabarimos dă sa anda tumende. O robo Muŕo o Iov te rudil pe anda tumende, thai dăsar ando dikhlimos lehko či kăraua tumengă pala o čealadimos tumaro; kă či deanduma kadea dă orta pa Mande, sar deaduma Muŕo robo o Iov.”

⁹O Eliafaz andao Teman, o Bildad andoa Šuax, thai o Çoafar andoa Naama găline thai kărdine sar phendeasas lengă o Rai. Thai o Rai ašundea o rudimos le Iovohko.

¹⁰O Rai andea le Iovos pale ande starea lesti dă anglal, pala so rudisai'lo o Iov anda pehkă amal. Thai o Rai deales parpale duvarăsdăsar sa so sas les.

¹¹Le phral, le pheia, thai le purane prinjeande le Iovohkă avile saoŕă te dikhăn les, thai xale lesa ando khăr. Ruie les thai răzgîisarde les anda sa le bibaxtalimata, kai tradeasas le o Rai pa leste, thai sakogodi dea les po khă chestia thai khă angrusti sumnakui.

¹²Ande kola pehkă mai palal bărši, o Iov lea kata o Rai mai but dinedumadămištimata dă sar leasas ande kola dă anglal. Sas les dešuštar mii bakrea, šou mii kămile, ăkh mia juto guruw, thai ăkh mia čiušnea.

¹³Sas les efta šave thai trin šeia;

¹⁴kolakă dă anglal thodea lakă anau Iemima, kolakă e duito Cheçia, thai kolakă e trito Cheran-Xapuk.

¹⁵Ande soa čem nas juwlea kadea šukar sar le šeia le Iovohkă. Lengo dadd dea le khă rig mandimos maškar lengă phral.

¹⁶O Iov mai traisardea pala kodea ăkh šell thai štarvardeši bărši, thai dikhlea pehkă šaven thai le šaven lehkă šavengă ji koa štartolea viça.

¹⁷Thai o Iov mullo phurimastar thai čeailo desăndar.