Read Kalderash Romani Cornilescu Bible 2020 (Romania) Psalmea 103 Bible Online

Psalmea 103 - Kalderash Romani Cornilescu Bible 2020 (Romania) bible

Psalmea 103

¹Khă psalmole Davidohko. Dedumadămišto, duxona, le Raies, thai sa so sî ande mande te deldumadămišto o Anau Lehko o sfănto!

²Dedumadămišto, duxona, le Raies, thai na bîstăr či iekh anda Lehkă lašimata!

³O iertil sa te bezexa, O sastearăl sa te nasfalimata.

⁴O skăpil ti čivava andai groapa, O kununil tu lašimasa thai milasa;

⁵O čeailearăl lašimatănça te phurimata, thai kărăl tu te tărneos pale sar o vulturo.

⁶O Rai kărăl čeačimos thai kris sa kolengă meklinezorasa.

⁷O sîkadea Pehkă droma le Moisahkă, thai le butea Pehkă le šeavengă le Israelohkărăngă.

⁸O Rai sî but ajukărimahko thai miloso, ajukărimahko ŕăbdimahko thai bravalo ando lašimos.

⁹O či xal pe biatărdimahko, thai či nikrăl e xolli ande le veakuri.

¹⁰Či kărăl amengă pala amară bezexa, či došavel ame pala amară bikrsa.

¹¹Ta sode sî dă opră le čerurii la phuweatar, kaditi sî dă baro o lašimos Lehko anda kola kai daran Lestar;

¹²sode sî dă dur o ankăstimos le perimastar le khamehko, kaditi dă but durearăl O amară Bbikrisa amendar.

¹³Sar falnasul khă daddes lehkă šeavendar, kadea falnasul le Raies kolendar kai daran Lestar.

¹⁴Kă o jeanel anda soste sam kărde; anel Pehkă godi kă sam phuw.

¹⁵O manuši! Lehkă des sî sar e čear, thai lulludearăl sar e lulludi andoa kîmpo.

¹⁶Kana nakhăl khă braval pa late, manai, thai o than kai nikrălas les, či mai prinjeanela les.

¹⁷Ta o lašimos le Raiehko nikrăl andel veakuri anda kola kai daran Lestar, thai e mila Lesti andal šeave le lengă šeavengă,

¹⁸anda kola kai arakhăn o phanglimos Lehko, thai anen pehkă godi Lehkă mothodimatăngo, kaste arakhăn le.

¹⁹O Rai thodea pehko skamin le raimahko andel čerurea, thai o raimos Lehko stăpînil pa sa.

²⁰Dendumadămišto le Raies, înjerea Lehkă, kai san zurale ande zor, kai pherăn Lehkă mothodimata.

²¹Dendumadămišto le Raies, sa Lehkă oštiri, Lehkă robea, kai kărăn Lehko kamimos!

²²Dendumadămišto le Raies, sa Lehkă butea, ande sal thana Lehkă stăpînimahkă! Dedumadămišto, duxona, le Raies!