Read Kalderash Romani Cornilescu Bible 2020 (Romania) Psalmea 105 Bible Online

Psalmea 105 - Kalderash Romani Cornilescu Bible 2020 (Romania) bible

Psalmea 105

¹Lăudin le Raies, akharăn Lehko Anau! Kărăn prinjeande maškar le popoare lehkă šukarimata!

²Dilaban, dilaban ande Lesti pativ! Den duma pa sa Lehkă šukarimata!

³Dentume bară le Anavesa Lehko kukoa o sfînto! Te bukuril pe o illo kolengo kai roden le Raies!

⁴Prasten koa Rai thai ka Lehko nikărimos, roden biatărdimahko Lehko Mui!

⁵Anen tumengă godi le sămnurendar mîndrimatahkă save kărdea le, le šukarimatăndar thai le krisăndar phendine Lehkă mostar,

⁶sămînça le robosti lehko le Aavramosti, šeave le Iakovohkă, alosarde Lehkă!

⁷O Rai sî o Dell amaro: le krisa Lehkă kărdeon pe sai phuw.

⁸O anel Pehkă godi orkana Pehkă phanglimastar, le šinaimatăndar Lehkă kărdine andakh mia neamurengă manušehkă,

⁹le phanglimastar, kai kărdea les le Aavramosa, thai le solaxatar, kai kărdea les le Isakosa;

¹⁰O kărdea kris andoa Iakovo, phanglimos vešniko andoa Israelo,

¹¹phendindoi: „Tukă daua tu o čem le Kanaanohko sar mandimos, kai pelea tukă kai bax.”

¹²Atunči on sas xançî koa dindimos, but xançî koa dindimos, thai străinea ando čem;

¹³phirănas kata khă neamo ka aver, ai kata khă thagarimos ka aver poporo;

¹⁴ta či meklea khanikas te mekălezuralimasa, thai došaldea thagar anda lende.

¹⁵„Na azban Mîŕă makhlendar, — phendea O — thai na kărăn nasul Mîŕă prooročengă!”

¹⁶Akahardea o bokhalimos pa o čem, thai šindea orsao maškar traiohko.

¹⁷Tradea lengă anglal khă manušes; o Iosifo sas bitindo sar robo.

¹⁸Phangle lehkă pînŕă andel lançuri, thode les kal jivine,

¹⁹Ji ando čiro kana kărdi'lo so phendeasas O, thai ji kana zumadea les o Divano le Raiehko.

²⁰Atunčea o thagar tradea te ankalaven lehkă lançuri, thai o stăpîno le popoarengo skăpisardea les.

²¹Thodea les rai pa pehko khăr, thai o maibaro pa sa lehkă mandimata,

²²Kaste phandel sar čeaileoles le raimatăn lehkărăn, thai te sîkavel lehkă phurăn o xaraimos.

²³Atunčea o Israelo avilo ando Ejipto, thai o Iakovo bešlo ando čem le Xamohko.

²⁴O Rai buteardea Pehkă poporos but dă sa, thai kărdea les mai zuralo dă sar lehkă dušmaia.

²⁵Kadalengă paruglea lengo illo, ji kote kă či mai dabadikhle Lehkă poporos, thai phirade pe čioriikanes Lehkă robença.

²⁶Tradea Pehkă robos le Moisas, thai le Aaronos, kai alosardeasas le.

²⁷Andai zor Lesti, on kărdine sămnuri šukarimahkăando maškar lengo, kărdine šukarimata ando čem le Xamohko.

²⁸Tradea tuneriko thai andea kalimos, kaste na aven biašundimahko koa Divano Lehko.

²⁹Paruglea lengă paia ando rat, thai kărdea te xasaon sal maše.

³⁰O čem lengo sas katearălas zambendar, ji pune i andel odăi le thagarengă.

³¹O phendea, thai avile varesar mačea otrăvimenea, juwa pe sa lengă thana.

³²Ando than le brîšindehko dea le baŕ, thai pară iagako ando čem lengo.

³³Mardea lengă răza thai le smoitinuri, thai linčeardea le kašt pe lengă thana.

³⁴O phendeas, thai avile le grastlačeareakă, grastčeareakă bidindimahko,

³⁵kai xaline sai čear andoa čem, thai phabarde le roade pa lengă islazuri.

³⁶Maladea sa le anglal kărdinen anda lengo čem, sa e anglal zor lendi.

³⁷Ankaladea Pehkă poporos rupesa thai sumnakasa, thai či iekh na dea duma anda Lehkă semençii.

³⁸Le Ejiptenea bukurisai'le lengă telearimastar, kă astardeasas le e dar lendar.

³⁹Tinzosardea khă noro, kaste garavele, thai iag, kaste luminil reate.

⁴⁰Ka lengo manglimos, tradea čiriklea, thai čeaileardea le manŕăsa andoa čerii.

⁴¹Pîtărdea o kotorlebaŕăhko, thai thavdea paia, kai šordi'le sar khă nanilaši andel thana le šukă.

⁴²Kă andea Pehkă godi le Divanostar Lehko kukoa o sfînto, thai Pehkă robostar le Aavramostar.

⁴³Ankaladea Pehkă poporos vesălimasa, le alosarden Pehkă ando maškar le çîpimatăngo le bukurimahkă.

⁴⁴Dea le ăl phuwea le neamurengă, thai thodine stăpînimos po rodo le popoarengo,

⁴⁵kaste arakhăn le mothodimata Lehkă, thai te nikrăn Lehkă krisa. Lăudin le Raies!