Read Kalderash Romani Cornilescu Bible 2020 (Romania) Psalmea 106 Bible Online

Psalmea 106 - Kalderash Romani Cornilescu Bible 2020 (Romania) bible

Psalmea 106

¹Lăudin le Raies! Lăudin le Raies kă sî lašo, kă e mila Lesti nikrăl andel veakuri!

²Kon dašti phenela le butia le barimahkă le Raiehkă? Kon dašti phenela sai lauda Lesti?

³Baxtale kolendar kai arakhăn e Kris, anda kola kai kărăn o čeačimos ande sako čiro!

⁴An Tukă godi mandar, Raia, ando lašimos Tiro anda Teo poporo! An Tukă godi mandar, thai de Teo kandimos,

⁵kaste dikhau o baxtalimos Tiră alosardengo, te bukurima le bukurimastar te poporostar, thai te lăudima Tiră mandimasa!

⁶Ame bezexardeam i sar amară dadda, kărdeam bezexalimata, kărdeam nasul.

⁷Amară dadda ando Ejipto či line godi kal šukarimata Tiră, çi andine pehkă godi le butimatăngo Te mîndrimatăndar, thai sas biašundimahko kai marea, kai marea e Lolli.

⁸Ta O skăpisardea le, anda e buti Lehkă anavehko, kaste sîkavel Pesti zor.

⁹Deaduma la mareakă la Lolleakă, thai oi šutili; thai nakhadea le andal andraimata sar andakh pustio.

¹⁰Skăpisardea le andoa vast kolehko kai čidabadikhălas le, thai ankaladea le andoa vast le dušmanohko.

¹¹Le paia garadine lengă dušmaien, či ašilea barem či iekh anda lende.

¹²Atunčea on pateaine andel divanuri Lehkă thai dilabaine Lehkă laude.

¹³Ta bîstărde iekhatar le butea Lehkă, thai či ajukărde o pherimos le planurengo Lehkă.

¹⁴Ta astardea le e pofta ande pustia, thai zumade le Devlles ando pustimos.

¹⁵O dea le so mangănas; ta tradea khă merimos maškar lende.

¹⁶Ande tabăra sas xollearde po Moise, thai po Aarono, o sfînto le Devllehko.

¹⁷Atunčea pîtărdi'li e phuw, thai nakhadea le Datanos, thai phandadi'li opral le kîrdosti le Abiramohko.

¹⁸E iag astardea lengo kîrdo, thai para phabardea kolen le jungalen.

¹⁹Kărdine khă guruwiçî ando Xorebo. Bandi'le angla khă tipo šordo,

²⁰parugline e Slava lendi, Pp tipo khă guruwehko, kai xal čear.

²¹Bîstărde le Devlles, o Skăpitorii lengo, kai kărdeasas butea bară ando Ejipto.

²²Šukarimata ando čem le Xamohko, sămnuri mîndrimahkă kai marea e Lolli.

²³Thai O dea duma te xasarăle: ta o Moise, lehko alosardo, beš'lo ando maškar, angla Leste, kaste phagăl e xolli Lesti thai te atărdearăl Les te na xasară'le.

²⁴On či line sama koa čem le čeailimatăngo; či pateaine ando Divano le Raiehko,

²⁵ta bandeardine nakhăstar ande lengă çăre, thai či ašundine Lehkă mostar.

²⁶Atunčea o vazdea Pehko vast thai solaxadea kă kărăla le te perăn ande pustia,

²⁷kă peravela lendi sămînça maškar le neamuri, thai phaŕavela le ando maškar le čemengo.

²⁸On lipisai le Ball-Peorostar, thai xaline gurumnea jertfime le mullengă;

²⁹Xolleardea kadea le Raies andal kărdimata lengă, thai khă prikaza avili maškar lende.

³⁰Ta o Fineas ušti'lo thai kărdea e kris, thai kadea e prikaza atărdi'li.

³¹E buti kadea sas lehkă dindo sar khă buti bibezexalimasti, andai viça viçati, ando veako.

³²On xollearde le Raies kal paia le Meriba; thai o Moise sas došaldo anda lende.

³³Kă on vzdinisai'le poa Duxo Lehko, thai o Moise dea duma bipharimahko le uštença.

³⁴On či mudardine le popoaren, kai phendeasas lengă o Rai te mudarăn le.

³⁵Ta namisai'le ăl neamurença, thai sîtile lengă kărimata,

³⁶kandine lengă idolurengă, kai sas khă astardimos anda lende.

³⁷Jertfisarde pehkă šeaven thai pehkă šeian kal idolea,

³⁸šorde rat bidošalo, o rat lengă šavengo thai lebgă šeiangă, savo jertfisarde les ăl idolengă andoa Kanaano, thai o čem sas kadea marisardo andal mudarimata.

³⁹Marisai'le anda lengă kărdimata, kurvărisarde pala lengă kărimata.

⁴⁰Atunčea o Rai astardi'lo xoleatar pa Pehko poporo, thai či dabadikhlea o mandimos Lehko.

⁴¹Dea le ando vast le neamurengo, kola kai či dabadikhănas le stăpînisarde pa lende,

⁴²Le dušmaia lengă meklelezuralimasa, thai sas mekline tala lendi zor.

⁴³O mai butivar skăpisardea le, ta on sîkadi'le biašundimahko ande lengă planurea, thai arasline bibaxtale ande e bikris lendi.

⁴⁴Ta O dikhlea lengo strandimos, kana ašundea lengă çîpimata.

⁴⁵Andea Pehko godi Lehkă phanglimastar, thai sas Les mila lendar, pala Lehko lašimos kukoa o baro:

⁴⁶thai thodeas anda lende e milla saoŕăngă kolengă kai nikrănas le astarde mardimahkă.

⁴⁷Skăpisar ame, Raia, Devlla, amaro, thai tideame andoa maškar le neamurengo, kaste lăudisaras o Anau Tiro kukoa o sfînto, Thai te dasamebară la lăudasa Tireasa!

⁴⁸Dinodumadămišto te avel o Rai, o Dell le Israelohko, andal veakuri andel veakurea! Thai soa poporo te phenel: „Amino! Lăudin le Raies!”