Read Kalderash Romani Cornilescu Bible 2020 (Romania) Psalmea 107 Bible Online

Psalmea 107 - Kalderash Romani Cornilescu Bible 2020 (Romania) bible

Psalmea 107

¹„Lăudin le Raies, kă sî lašo, kă ando veako nikrăl Lesti mila!”

²Kadea te phenen kola le potidine le Raiestar, saven skăpisardea le O andal vast le dušmanohkă,

³thai saven tidea le anda sal riga: anda katar anklelokham thai katar perăl, katar avelereat thai katai marea.

⁴On phirănas andai pustia, phirănas pel droma biphirade, thai či arakhănas či khă četatea, kai te dašti te bešen.

⁵Dukhadeonas bokhatar thai trušatar; rovelas o duxo anda lende.

⁶Atunčea, ande lengo strandimos, çîpisarde karing o Rai, thai O skăpisardea le anda lengă nasulimata;

⁷phiradea le po drom kukoa o orta, kaste arăsăn andekh četatea bešlimasti.

⁸O, te lăudina le manuši le Raies anda Lehko lašimos, thai andal šukarimata Lehkă anda le šeave le manušengă!

⁹Kă O atărdeardea e truši lengă Duxohko trušalo, thai pherdea lašimatăndar o duxo o bokhalo.

¹⁰Kola kai bešenas ando tuneriko thai ande ušal le mullimasti, trainas phangle ando čiorimos thai ande le sastrea,

¹¹anda kă vazdinisai'le sas pal divanuri le Devllehkă, anda kă na linesas sama o phendimos Kolehko le But Barăhko.

¹²O peradea lengo illo ando dukhaimos: peline, thai khonikh či kandea le.

¹³Atunčea, ande lengo strandimos, çîpisardine karing o Rai, thai O skăpisardea le anda lengă nasulimata.

¹⁴Ankaladea le ando tuneriko thai andai ušal le mullimasti, phaglea lengă phanglimata.

¹⁵O, te lăudina le manuši le Raies anda Lehko lašimos, thai andal šukarimata Lehkă anda le šeave le manušengă!

¹⁶Kă O linčeardea udara xarkumakă, thai šindea druguri sastrehkă.

¹⁷Le dile ande lengo phirimos bidošalo, thai anda lengă bikrisa, arăslesas bibaxtale.

¹⁸Lengo duxo bizumadeasas pe orsave xabenestar, thai sas paša le udara le mullimahkă.

¹⁹Atunčea, ande lengo strandimos, çîpisardine karing o Rai, thai O skăpisardea le anda lengă nasulimata;

²⁰tradea O divano Pehko thai sasteardea le, thai skăpisardea le groapatar.

²¹O, te lăudina le manuši le Raies anda Lehko lašimos, thai andal šukarimata Lehkă anda le šeave le manušengă!

²²Te anen Lehkă jertfe naismatăngă, thai te vestin Lehkă butea çîpimatănça bukurimahkărănça.

²³Kola kai ulen pe marea andel berurii, thai kărănas bitindimos pel paia le bară,

²⁴kodola dikhline le butea le Raiehkă thai le šukarimata Lehkă ando maškar le andraimahko.

²⁵O phendea, thai thodea te phurdel o barobrîšind, kai vazdea le valuri la mareakă.

²⁶Vazdenas pe karing le čerurii thai ulenas ando andraimos; lengo duxo sas xasardo angla daraimos.

²⁷Astarde zalimastar, mištinas sar khă manuši mato, thai dăiveantaină sas lengo prinjeandimos.

²⁸Atunčea, ande lengo strandimos, çîpisardine karing o Rai, thai O skăpisardea le anda lengă nasulimata;

²⁹Atărderdea o barobrîšind, andea o ujimos, thai le valuri atărdile.

³⁰On bukurisaile kăl valuri atărdi'le, thai o Rai nigărdea le kai kambline.

³¹O, te lăudina le manuši le Raies anda Lehko lašimos, thai andal šukarimata Lehkă anda le šeave le manušengă!

³²Te vazden Les ando tidimos le poporohko, te lăudin Les ando tidimos le phurăngo!

³³O paruvel le nanilašuri ando pustio, thai le isvoare le paiehkă ande phuw šuti,

³⁴o čem roditori ando čem londo, andoa nasulimos lakă manušengo.

³⁵Sa o paŕuvel o pustio ando iazo, thai phuw e šuti andel isvoare paiehkă.

³⁶Thol oče le bokhalen, thai on kărăn ăkh četatea te bešen;

³⁷on sămînçon phuwea, thon răza, thai tiden lengă roduri.

³⁸O deldumadămišto, thai buteon pe butimaste, thai či xançarăl lengă gurumnean.

³⁹Kana sî xançarde thai mekline ande varekahkozuralimos, bibaxtalimos thai dukhaimos,

⁴⁰O šorăl o bidikhlimos pal bară, thai kărăle te phirăn andal pustiuri bidromehko,

⁴¹ta vazdel kukole le binaimahko, skăpil koles le mai čioŕorăs, thai butearăl le familii sar varesar kîrduri.

⁴²„Le manuši bibezexale dikhăn e buti kadea thai bukurin pe, thai orsavi bikris phandavel pehko mui!”

⁴³Kon sî xarano, te lel godi ka kadala butea, thai te avel limasa godi kal lašimata le Raiehkă.