Read Kalderash Romani Cornilescu Bible 2020 (Romania) Psalmea 108 Bible Online

Psalmea 108 - Kalderash Romani Cornilescu Bible 2020 (Romania) bible

Psalmea 108

¹Khă dilabaimos. Khă psalmo le Davidohko. Gata sî muŕo illo te dilabal, Devlla! Dilabaua, bašavaua anda mîŕă instrumente; kadea sî mîŕî slava!

²Ušten ta, lăută thai xarfă! Ušteaua kana phaŕadeola o des.

³Lăudiua Tu maškar le popoare, Raia, dilabaua tu maškar le neamuri.

⁴Kă baro sî Teo lašimos thai vazdel pe mai opră le čerurendar, ta o pateaimos Tiro ji kal norea.

⁵Vazde Tu pal čerurii, Devlla, thai te avel Ti slava pa sai phuw!

⁶Anda ka te butkambline te aven skăpime, skăpisar ame ande čeači Tiri, thai ašun ame!

⁷O Dell dea duma ande Pehko sfinçomos: „Biruiua, xulavaua o Sixemo, măsuriua e xar e Sukot;

⁸Muŕo sî o Galaado, Muŕo sî o Manase; o Efraimo sî o zuralimos Mîŕă šerăhko, thai o Iuda, e rowli Mîŕî le nikărimasti;

⁹O Moabo sî o lideano ande sao xalava Ma; šudau Mîŕă podimos poa Edomo; çîpi bukurimastar poa čem le Filistianengo!”

¹⁰Kon nigrăla Ma ande četate e zureardi? Kon nigrăla Ma ando Edomo?

¹¹Ta na Tu, Devlla, kai šudean ame, Thai savo či mai kames te ankles, Devlla, amară oštirença?

¹²De ame kandimos ando năkazo, kă dăivea sî o kandimos le manušehko.

¹³Le Devllesa kărasa butea bară; O linčearăla amară dušmaien.