Read Kalderash Romani Cornilescu Bible 2020 (Romania) Psalmea 111 Bible Online

Psalmea 111 - Kalderash Romani Cornilescu Bible 2020 (Romania) bible

Psalmea 111

¹Lăudin le Raies! Lăudiua le Raies anda sa muŕo illo, andel jene le manušengo bibezexale thai ando tidimos.

²Bară sî le butea le Raiehkă, rodine sa kata kukola kai kamen le.

³Străfeaimos thai barimos sî e buti Lesti, thai Lehko čeačimos nikrăl andel veakuri.

⁴O meklea khă andimos godeako Lehkă šukarimatăngo, o Rai sî lašimahko thai miloso.

⁵O dea xamos kolen kai daran Lestar; O anel Pehkă godi orkana Pehkă phanglimastar.

⁶O sîkadea Pehkă poporohkă e zor Lehkă buteandi, kă dea le o mandimos le neamurengo.

⁷Le butea Lehkă vastengă sî pateamos thai čeačimos; sal mothodimata Lehkă sî čeače,

⁸zurearde andal veakuri, kărdine pateaimasa thai bibezexalimasa.

⁹Tradea Pehkă poporohkă o skăpimos, thodea Pehko phanglimos andel veakuri; Lehko Anau sî sfînto thai daraimahko.

¹⁰E dar le Raiesti sî o maianglal godeaimos; sa kola kai arakhăn les, sî le khă godi sasti, thai slava Lesti nikrăl andel veakuri.