Read Kalderash Romani Cornilescu Bible 2020 (Romania) Psalmea 12 Bible Online

Psalmea 12 - Kalderash Romani Cornilescu Bible 2020 (Romania) bible

Psalmea 12

¹Karing o mai baro le dilabaitorengo.Dilabaimasti pe khă xarfa oxto oardença. Khă psalmo le Davidohko. Av mangă ando kandimos, Raia, kă jeantar le manuši le pateamne, xasaon le pateamne maškar le šeave le manušengă.

²Le manuši phenen pehkă xoxaimata iekh avrăngă, pel ušt sî le butea čeaŕlimahkă, den duma le illesa čiordano.

³Xasarăl o Rai sa le ušt le čeaŕmakhlengă, e šib kai del duma barimasa,

⁴kolen kai phenen: „Sam zurale amara šibasa, Kă le ušt amară sî amença: kon dašti te avel stăpîno pa amende?”

⁵„Anda kă kola le bibaxtale sî meklinetelal thai anda kă čioŕă vatin, akana”, phenel o Rai, „Ušteau, thai anau skăpimos kolengă meklinetelal.”

⁶Le divanuri le Raiehkă sî divanuri uje, khă rup zumado ando bou la phuweako, thai ujeardo eftavar.

⁷Tu, Raia, arakhăsa les, thai lesa sama lendar le neamostar kadalestar ando veako.

⁸Orkai phirăn le nasul, kana rail o bezexalimos maškar le šeave le manušengă.