Read Kalderash Romani Cornilescu Bible 2020 (Romania) Psalmea 132 Bible Online

Psalmea 132 - Kalderash Romani Cornilescu Bible 2020 (Romania) bible

Psalmea 132

¹Khă dilabaimos le skărengo. An Tukă godi le Davidostar, thai sa lehkă năkazurendar!

²An Tukă godi sar solaxadea o le Raiehkă, thai kărdea kakoa solaxaimos le Zuralehkă le Iakovohkă:

³„Či šoa ma ande çăra ande savi bešeau, či ankleaua ando than ande sao xodinima,

⁴či daua lindri mîŕă iakhăngă, či kukuimos le pleoapengă,

⁵ji kana či arakhaua ăkh than andoa Rai, khă thanbešlimahko andoa Zuralo le Iakovohko.”

⁶Dikta, ašundem dindoi pe duma pa leste ande Efrata, arakhlem les ande kotorphuweako le Iaarohko…

⁷„Aven ka Lehko khăr, te rudisauas koa than Lehkă pînŕăngo! …

⁸Ušti Ta, Raia, av koa than Tiro Le xodinimamahko, Tu thai o Tivoto Te barimahko!

⁹Le raša Tiră te xureaven pe ando Bbbezexalimos, thai le pateamne Tiră te ankalaven çîpimata bukurimahkă!

¹⁰Anda Teo robo o Davido, na šude Te makhles!”

¹¹O Rai solaxadea le Davidohkă o čeačimos, thai či amboldela pe kata so solaxadea: „Thoaua po skamin te raimahko khă šeau anda teo stato.

¹²Kana te šeave arakhăna o phanglimos Muŕo, thai le sîkaimata Mîŕă, kai daua lengă le, bešena i lengă šeave andel veakuri po skamin tiro le raimahko.”

¹³E, o Rai alosardea o Siono, kamblea les sar than Pehko, thai phendea:

¹⁴„Koadoa sî o than Muŕo le Xodinimahko ando veako; bešeaua ande leste, kă kamblem les.

¹⁵Daualedumadămišto ando bravalimos O xamos, čeailearaua manŕăsa lehkă čioŕăn.

¹⁶Xureavaua ando skăpimos lehkă rašan, thai le pateamne lehkă ankalavena çîpimata bukurimahkă.

¹⁷Oče vazdaua e zor le Davidosti, lašaraua khă kandela Mîŕă makhlehkă,

¹⁸xureavaua lajavesa lehkă dušmaien, thai pa leste străfeala lesti kununa.”