Read Kalderash Romani Cornilescu Bible 2020 (Romania) Psalmea 139 Bible Online

Psalmea 139 - Kalderash Romani Cornilescu Bible 2020 (Romania) bible

Psalmea 139

¹Karing o mai baro le dilabaitorengo. Khă psalmo le Davidohko. Raia, Tu zumaves ma dă pašal thai prinjeanes ma,

²jeanes kana bešeau tele thai kana ušteau, thai dă dural šostu ande muro gîndo.

³Jeanes kana phirau thai kana sovau, thai prinjeanes sa mîŕă droma.

⁴Kă či arăsăl ma o divano pe šib, thai Tu, Raia, i jeanes les ande sa.

⁵Tu desmaroata i palal thai i anglal, thai thos Teo vast pa mande.

⁶Khă prinjeandimos kaditi dă mundrosî mai opral mîŕă zorăndar: sî but opră kaste dašti astarau les.

⁷Kai jeaua dur Te Duxostar, thai kai našau dur Te Muiestar?

⁸Te ankleaua ando čerii, Tu san oče; te sovaua ando than le mullengo, dikta Tu i oče;

⁹te laua le phaka le desăhkă, thai jeaua te bešeau koa gor la mareako,

¹⁰i oče o vast Tiro phiravela ma, thai čeači Tiri azbala ma.

¹¹Te phenaua: „So xançî o tuneriko garavela ma, thai kărdeola pe reat e lumina anda mîŕî rig!”

¹²Dikta kă či orta o tuneriko nai mai tuneriko anda Tute; ta e reat străfeal sar o des, thai o tuneriko sar e lumina.

¹³Tu kărdean miŕă rîničea, Tu khuvdean ma ando păŕ mîŕa deiako:

¹⁴Lăudi Tu kă sîm khă manuši kaditi dă šukar. Šukarimahkă sî le butea Tiră, thai so mišto dikhăl muŕo duxo e buti kadea!

¹⁵Muŕo stato nas garado Tutar, kana sîmas kărdo andekh than bijanglo, akhuwdo ando tipo avervaresohko, sar ando andraimos la phuweako.

¹⁶Kana či sîmas dă sar khă gloata bimuiehko, Te iakha dikhănas ma; thai ando lill Tiro sas ramome sal desa kai sas mangă dine, mai anglal te avilino vo iekh anda lende.

¹⁷Sode dă biprinjeande fal pe mangă le gîndurea Tiră, Devlla, thai sode dă baro sî lengo dindimos!

¹⁸Te dinaua le, sî mai but dă sar le boambe la tišaiakă. Kana ušteau sîm sa Tusa.

¹⁹O, Devlla, te mudarăsa koles le jungales! Dureon mandar, manuši trušale ratestar!

²⁰On den duma pa Tute sar tipo bikrisako, Len Teo Anau kaste xoxaven, on le dušmaia Tiră!

²¹Te na dabadikhau me, Raia, kolen kai či dabadikhăn Tu, thai te na avel mangă greaça kolendar kai vazden pe pa Tute?

²²E, či dabadikhaule khă bidikhlimahko bigorăhko; dikhau le sar mîŕă dušmaien.

²³Zumau ma, Devlla, thai prinjean muŕo illo! Zumau ma, thai prinjean mîŕă gîndurea!

²⁴Dikh kana sîm pe khă drom nasul, thai nigăr ma po drom o vešniko!