Read Kalderash Romani Cornilescu Bible 2020 (Romania) Psalmea 144 Bible Online

Psalmea 144 - Kalderash Romani Cornilescu Bible 2020 (Romania) bible

Psalmea 144

¹Khă psalmo le Davidohko. Dinodumadămišto te avel o Rai, o Kotorlebaŕăhko muŕo, kai nikrăl măŕă vast koa mardimos, le naia kana marau ma,

²muŕo Lašimatorii thai e Četăçuia mîŕî, o turno muŕo le skăpimahko thai o Skăpitorii muŕo, o Skuto muŕo le garaimahko, kai thol tala mande mîŕă poporos!

³Raia, so sî o manuši, kaste les prinjeandimos lestar, o šeau le manušehko kaste les sama lestar?

⁴O manuši sî sar khă phurdimos, le des lehkă sî sar e ušal kai nakhăl.

⁵Bandear le čerurii, Raia, thai uli Ta! Azba le baŕlebară kaste thuweaon!

⁶Bašando Dell, thai pharau mîŕă dušmaien! Šude Ta te suliçî, thai kărle te našen!

⁷Tinzosar Te vast dă opral, skăpisar ma thai skăpisar ma andal paia le bară, andoa vast le šeavengo kole străinohkă,

⁸savengo mui phenel bičeačimata, thai savendi čeači sî khă čeači xoxamni.

⁹Devlla, dilabaua Tukă khă dili nevi, lăudiua Tu la lăutasa le deše koardença.

¹⁰Tu, kai des le thagaren o valoso, kai skăpisardean la mudardea sabiatar Te robos le Davidos,

¹¹ankalau ma thai skăpisar ma andal vast le šeavengă kole străinohkă, savengo mui phenel bičeačimata, thai savendi čeači sî khă čeači xoxamni! …

¹²Amară šeave sî sar varesar gloate kai bareon ando tărnimos lengo; amară šeia sî sar varesar tille thodine šukar, kai sî o kučimos le khărăngo thagarine.

¹³Amară pătulea sî pherde, thai den opral anda sako xabenata; le kîrduri buteon amengă le miiença, le deše miiença ande amară islazurea;

¹⁴amară jivine sî butimahkă; nai či khă xasardimos, či khă robia, či khă çîpimos pe amară uliçi!

¹⁵Baxtalo le poporostar kai bešel kadea! Baxtalo le poporostar, savehko Dell sî o Rai!