Read Kalderash Romani Cornilescu Bible 2020 (Romania) Psalmea 148 Bible Online

Psalmea 148 - Kalderash Romani Cornilescu Bible 2020 (Romania) bible

Psalmea 148

¹Lăudin le Raies! Lăudin le Raies andal ucimata le čerurengă, lăudin Les andal thana Lehkă opral!

²Lăudin Les sal înjerea Lehkă! Lăudin Les, sal oštirii Lehkă!

³Lăudin Les, kham thai šonuto, Lăudin Les sal čeraia le străfeimahkă!

⁴Lăudin les, čerurea le čerurengă, thai tume, paia, kai san mai opră le čerurendar!

⁵Te lăudin o Anau le Raiehko, kă O mothodea thai sas kărdine,

⁶zureardea le andal veakuri le veakurengă; dea le krisa, thai či ušteavela le.

⁷Lăudin le Raies dă telal pai phuw, xale mareakă, thai andraimata sa;

⁸iag thai baŕbrîšindehko, iw thai buŕ, bară bravallea, kai pherăn Lehkă mothodimata,

⁹baŕbară thai sal pleaia, kašt rodiditorea, thai sal čedrea,

¹⁰jivine thai sa le juvindimata, çîrditoare thai čiriklea phakănça,

¹¹thagar la phuweakă thai sa le popoare, voievoduri thai sal krisînitorea la phuweakă,

¹²tărne thai tărnea, phură thai šaoŕă!

¹³Te lăudin o Anau le Raiehko! Kă dăsar o Anau Lehko sî opră: o barimos Lehko sî mai opral la phuweatar thai le čerurendar.

¹⁴O vazdea e zor Pehkă poporohkă: dikta kă buti lăudimasti anda sa Lehkă pateamne, andal šeave le Israelohkă, poporo paša Leste. Lăudin le Raies.