Read Kalderash Romani Cornilescu Bible 2020 (Romania) Psalmea 16 Bible Online

Psalmea 16 - Kalderash Romani Cornilescu Bible 2020 (Romania) bible

Psalmea 16

¹Khă dilabaimos le Davidohko. Arakh ma, Devlla, kă ande Tute pateau ma.

²Me phenau le Raiehkă: „Tu san o Rai muŕo, Tu san muŕo korkoro baxtalimos!

³Le sfinçea kai san ando čem, manuši pateaimne, sî sa muŕo čeailimos.

⁴Le idolea buteon, le manuši prasten pala le devla biprinjeande, ta me či anau lengă jertfe ratehkă, thai či thoau o anau lengo pe mîŕă ušt.

⁵O Rai sî mîŕî rig le mandimatasti thai o tahtai muŕo, Tu ortos mangă muŕî bax.

⁶Khă mandimos čeailo pelo mangă koa dimos, khă šukar mandimos sas mangă dino.

⁷Me daudumadămišto le Raies, kai sîkavel ma, kă i reate del ma phendimata o illo.

⁸Sî ma le Devlles orkana angla mîŕă iakha: kana O sî ande mîŕî čeači rig, či perau.

⁹Anda kodea muŕo illo bukuril pe, o duxo muŕo vesălil pe, thai o stato xodinil ando ujimos.

¹⁰Kă či mukăsa muŕo duxo ando than le mullengo, či mekăsa ka Teo kamblino te dikhăl o ternimos.

¹¹Sîkavesa mangă o dromoŕo la čivavako; Angla Tiro Mui sî but bukurimata, thai šukarimata vešnikuri ande čeači Tiri.