Read Kalderash Romani Cornilescu Bible 2020 (Romania) Psalmea 17 Bible Online

Psalmea 17 - Kalderash Romani Cornilescu Bible 2020 (Romania) bible

Psalmea 17

¹Khă dilabaimos le Davidohko. Raia, ašun muŕo phendimos bidošalo, le godi ka mîŕă çîpimata, bandear o kan koa rudimos muŕo, kărdino le uštença bičeahle!

²Te dičiol pe muŕo čeačimos angla Tute, thai te dikhăn Te iakha muŕo bibezexalimos!

³Kana zumavesa muŕo illo, kana zumavesales reate, Te zumavesa ma, či arakhăsa khanči: kă so anklel mangă andoa mui, kodea i dau godi.

⁴Sode dikhăl le phanglimata le manušença, me, pala o divano Te ušetengo, arakhau ma poa drom le bičeačengo;

⁵mîŕă pînŕă bešen biatărdimahko pe Tiră droma, thai či perăn mîŕă pînŕă.

⁶Çîpi karing Tute, kă ašunes ma, Devlla! Bandear Teo kan karing mande, ašun o divano muŕo!

⁷Sîkau o lašimos Tiro kukoa šukar, Tu, kai skăpis kolen kai roden garadimos, thai skăpis le anda lengă dušmaia, andai čeači Tiri!

⁸Arakh ma sar e lumina la iakhati, nikăr ma, kai ušal Te phakăndi,

⁹kolendar le jungalendar, kai našaven ma, le dušmaiendar mîŕăndar le mullimahkă, kai tiden ma.

¹⁰On phandaven pehko illo, sî le divanuri bară ando mui.

¹¹Nikrăn pe mîŕă urmendar, den ma angali orta, pîndin ma kaste peraven ma kai phuw.

¹²Fal kă sî khă leo bokhalo pala o xamos, Khă puio leohko, kai bešel koa pîndimos ande pehko than.

¹³Ušti Ta, Raia, ankli angla dušmano, de lesa tele! Skăpisar ma le jungalestar Tea sabiasa!

¹⁴Skăpisar ma le manušendar, Te vastesa, Raia, le manušendar la lumeakă kadala, Kai thon pesti rig ande čivava kadea, thai savengă pherăs lengă păŕa Te lašimatănça. Lengă šeave sî čeaile thai lendi mandin mekăn la pehkă gloatengă.

¹⁵Ta me, ande muŕo bidošalimos, dikhaua o Mui Tiro: Sar ušteaua, čeailiuaua Te tipostar.