Read Kalderash Romani Cornilescu Bible 2020 (Romania) Psalmea 18 Bible Online

Psalmea 18 - Kalderash Romani Cornilescu Bible 2020 (Romania) bible

Psalmea 18

¹Karing o mai baro le dilabaitorengo. Khă psalmo le Davidohko, o robo le Raiehko. O phendea le Raiehkăle divanuri kadale dilabaimahkă, kana skăpisardea les o Rai andoa vast sa lehkă dušmaiengă thai andoa vast le Saulohko. O phendeas: Kamau Tu andoa illo, Raia, e zor mîŕî!

²Raia, Tu san o kotorlebaŕăhko, mîŕî četăçuia, muŕo skăpitorii! Raia, Tu san o kotorlebaŕăhko, ande sao garadiuau, O skuto muŕo, mîŕî zor kai skăpil ma, thai o zuralimos muŕo!

³Me çîpi: „Lăudime te avel o Rai!” thai sîm skăpime anda mîŕă dušmaia.

⁴Tidinesas ma le phanglimata le mullimahkă, thai darardesas ma le nanilašri le xasaimahkă;

⁵pateardesas ma le phanglimata le mormîntohkă, thai astardesas ma le phalea le mullimahkă.

⁶Ta, ande muŕo strandimos, akhardem le Raies, thai çîpisardem karing o Dell muŕo: anda Pehko than, O ašundea muŕo mui, thai o çîpimos muŕo arăslo ji Leste, ji kal kan Lehkă.

⁷Atunčeara mištisai'li e phuw thai isdraia, le temelii le barăbaŕăngă mištisai'le, thai isdraine, anda kă xolleailosas O.

⁸Anda Lehkă ur anklelas thuw, thai khă iag biatărdimahko anklelas anda Lehko mui: angar phabarde anklenas anda leste.

⁹Bandeardea le čerurii, thai ulisto tele: khă noro thulo sas tala Lehkă pînŕă.

¹⁰Ankăsto sas pekh xeruvimo, thai xurealas, avelas opral pel phaka la bravalleakă.

¹¹O tuneriko kărdeasas Pehkă les învăluimos, ta Lesti çăra, karing Leste, sas varesar paia kalearde thai norea kale.

¹²Andoa străfeaimos, kai phadeolas angla Leste, anklenas norea kai šudenas baŕbrîšindehkă thai angar iagakă.

¹³O Rai bašadea andel čerurii, Kukoa o But Baro kărdea te ašundeol pe Lehko mui, brîšindesabaŕînça thai angarănça iagakă.

¹⁴Šudea săjeçănça thai pharadea mîŕă dušmaien, buteardea le mardimata le trăsnetohkă thai thodea le po našlimos.

¹⁵Atučeara diči'lo o fundo le paiengo, thai diči'le ăl temelii la lumeakă, koa xollearimos Tiro, Raia, koa ašundimos Te urengo.

¹⁶O tinzosardea Pehko vast opral, astardea ma, ankaladea ma andal paia le bară;

¹⁷skăpisardea ma anda muŕo dušmano kukoa o zuralo, le dušmaiendar mîŕăndar, kai sas mai zurale sar mande.

¹⁸On avilesas andakhdata pa mande ando des mîŕă strandimahko; ta o Rai sas muŕo nikărimos.

¹⁹O ankaladea ma koa than buflo, Skăpisardea ma, anda kă kamel ma.

²⁰O Rai kărdea mangă pala muŕo bibezexalimos, potindea mangă pala o ujimos mîŕă vastengo:

²¹kă arakhlem le droma le Raiehkă, thai či bezexardem angla o Dell muro.

²²Sa le mothodimata Lehkă sas angla mande, thai či durilem kata Lehkă krisa.

²³Sîmas bidošako angla Leste, thai arakhle ma anda mîŕî bikrisako.

²⁴Anda kodea, o Rai potindea ma pala o bibezexalimos muŕo, palao ujimos mîŕă vastengăanla Lehkă iakha.

²⁵Kolesa le lašesa Tu sîkadeos lašo, le manušesa bibezexalo Tu sîkaves Tu bibezexalo;

²⁶kolesa ujo Tu sîkaves Tu ujo, thai kolesa rimome, Tu phiraves Tu pala lehko rimomos.

²⁷Tu skăpis Te poporos kai mekălpetele, thai mekăstele le dikhlimata le barikane.

²⁸E, Tu astarăs mîŕî lumina. Raia, o Dell muŕo, luminis muŕo tuneriko.

²⁹Tusa šuda ma pa khă oastea înarmome, Le Devllsa mîŕăsa xuteau pa khă zîdo zureardo.

³⁰Le droma le Raiehkă sî ortomahkă, O Divano le Raiehko sî zumado: O sî sar khă skuto anda sa kukola kai prasten Leste.

³¹Kă kon sî o Dell, avri anda o Rai, thai kon sî khă baŕbaro, avri andoa Dell amaro?

³²O Dell phandel ma zorasa, thai nigrăl ma po drom o orta.

³³O kărăl mîŕă pînŕă sar le čerboaiengă, thai thol ma pe le učimata mîŕă.

³⁴O zurearăl mîŕă vast koa mardimos, kadea kă mîŕă vast tinzon o arko la xarkumako.

³⁵Tu des ma o skuto Te skăpimahko, e čeači Tiri nikrăl ma, thai milla Tiri kărăl ma baro.

³⁶Tu buflearăs o drom tala mîŕă pînŕă, thai či isdran mîŕă čiokîia.

³⁷Phirau pala mîŕă dušmaia, našauau le, thai či amboldau ma ji kana xasarau le.

³⁸Linčearau le, ta našti mai vazden pe: on perăn tala mîŕă pînŕă.

³⁹Tu phandes ma zorasa andoa mardimos, thai mudarăs mîŕă dušmaien tala mîŕă pînŕă.

⁴⁰Tu kărăs mîŕă dušmaien te den Le zăia angla mande, thai me xasarau kolen kai čidabadikăn ma.

⁴¹On çîpin, ta nai ko te skăpile! Çîpin karing o Rai, ta či dele anglal!

⁴²Linčearau le sar e pulberea, kai nlela e bravall, ušteavau le andel pînŕă sar e čikh pal uliçî.

⁴³Tu skăpis ma andal biatearimata le poporohkă; thos ma angloa čikat le neamurengo; khă poporo, kai či prinjeanausa les, sî mangă meklino.

⁴⁴O ašunel mandar koa mai anglal mothodimos, le šeave le biprinjeandehkă čearăn ma.

⁴⁵Le šave le biprinjeandehkă kovleol lengo illo mandar, thai anklen isdraindoi anda lengă četăçui.

⁴⁶Trail o Rai, thai dinodumadămišto te avel o kotorbaŕbaro muŕo! Bareardo te avel o Dell mîŕă skăpimahko,

⁴⁷o Dell, o ambolditorii muŕo, kai thol mangă le popoare,

⁴⁸thai skăpil ma anda mîŕă dušmaia! Tu vazdes ma mai opră dă sea mîŕă dušmaia, skăpis ma le manušestar marditorii.

⁴⁹Anda kodea, Raia, lăudiua Tu maškar le neamuri, dilabau karing e slava Te Anavesti.

⁵⁰O del bară skăpimata Pehkă thagares, thai del mila Pehkă makhles: le Davidos, thai lehka semeçiakă, ando veako.