Read Kalderash Romani Cornilescu Bible 2020 (Romania) Psalmea 19 Bible Online

Psalmea 19 - Kalderash Romani Cornilescu Bible 2020 (Romania) bible

Psalmea 19

¹Karing o mai baro le dilabaitorengo. Khă psalmo le Davidohko. Le čerurii phenen e slava le Devllesti, Thai o tinzomos lengo vesstin e buti Lehkă vastengă.

²Khă des phenel avrăhkă kadea buti, ăkh reat del avimos avreakă pa Leste.

³Thai kadea, bi orbengo, bi divanurengo, savehko bašimos te avel ašundino:

⁴ta o ašundimos lengo phirăl sai phuw, thai o mui lengo jeal ji koa gor la lumeako. Andel čerurii O tinzosardea khă çăra le khamehkă.

⁵Thai o kham, sar khă tărno, kai anklel andai odaia lesti le abeaosti, šudel pe ando drom lehko khă bukurimasa khă zuralimatăhko:

⁶luludearăl kata khă gor le čerurengo, thai isprăvil o drom koa kolaver gor; Khanči či garadeol lehkă tatimastar.

⁷E Kris le Raiesti sî biatărdimahko, thai luludearăl o duxo; o phendimos le Raiehko sî čeačio Thai del xaraimos koles le bijeangles.

⁸Le lašarimata le Raiehkă sî bibezexale, thai vesălin o illo; le mothodimata le Raiehkă sî uje thai luminin le iakha.

⁹E dar le Raiesti sî uji, thai nikrăl ando veako; le krisa le Raiehkă sî čeače, sa sî orta.

¹⁰On sî mai kuči dă sar o sumnakai, dă sar but sumnakai ujo; sî mai gugle sar o avdin, dă sar o piteaimos anda stupin.

¹¹O robo tiro lel i o sîkaimos anda lende; anda kon arakhăle, o potindimos sî baro.

¹²Kon prinjeanel pehkă athaimata kărdine andoa bijeanglimos? Iertisar mîŕă athadimata kai či prinjeanau le!

¹³Arakh sa kadea Te robos le barimastar, kaste na stăpînil o pa mande! Atunčeara avaua bibezexalimahko, bidošalo bezexăndar bară.

¹⁴Primisar le lašimasa le divanuri mîŕă mohkă, thai sîimata mîŕă illehkă, Raia, o Baŕbaro muro thai o Skăptorii muŕo!