Read Kalderash Romani Cornilescu Bible 2020 (Romania) Psalmea 21 Bible Online

Psalmea 21 - Kalderash Romani Cornilescu Bible 2020 (Romania) bible

Psalmea 21

¹Karing o mai baro le dilabaitorengo. Khă psalmo le Davidohko. Raia, o thagar bukuril pe anda o zuralo dikhlimos, kai des lehkă les Tu. Thai sar pherăl les baxtalimasa Tiro kandimos!

²Dean les so kamelas lehko illo, thai či meklean bipherdino so mangănas lehkă ušt. (Atardimos) .

³Kă ankăstean lehkă anglal dinedumamištimatănça baxtalimahkă, thai thodean lehkă po šero kununa sumnakasti ujo.

⁴Mangăas tukă e čivava, thai dean lehkă la; khă čivava lungo anda orkana thai ando veako.

⁵Bari sî lesti slava pala o kandimos Tiro. Tu thos pa leste o străfeaimos thai o barimos.

⁶Kărăs les ando veako khă kărdimos dinedumamištimatăngo, thai pherăs les bukurimastar anglo Mui Tiro.

⁷Kă o thagar pateal pe ando Rai; thai o lašimos Kolehko le But Barăhko kărăl les te na perăl.

⁸Teo vast, thagarina, arăsăla pa sa te dušmaia, e čeači tiriarăsăla kolen kai či dabadikhăn tu,

⁹thai kărăsa le khă bou astardo, ando des kana sîkadeosa, O Rai xasarăla le ande Lesti xolli, thai xala le e iag.

¹⁰Khosăsa lendi sămînça pai phuw, thai lengo neamo andoa maškar le šeavengo le manušengo.

¹¹On kărdine butea nasulimahkă angla tute, kărdine divanuri jungale, ta či izbîndin.

¹²Kă kărăsa le te den le zăia, Thai çîrdesa te arkosa pa lende.

¹³Ušti Ta, Raia, Tea zorasa, thai dilabasa thai lăudisarasa e zor Tiri.