Read Kalderash Romani Cornilescu Bible 2020 (Romania) Psalmea 24 Bible Online

Psalmea 24 - Kalderash Romani Cornilescu Bible 2020 (Romania) bible

Psalmea 24

¹Khă psalmo le Davidosti. Le Raiesti sî e phuw thai sa so sî pe late, e lumea thai kola kai bečen pe la!

²Kă o thodea la pel mării, thai zureardeala pel nanilašuri.

³Kon dacti te anklela koa baŕbaro le Raiehko? Kon vazdela pe ji koa than Lehko kukoa o Sfînto?

⁴Kukoa kai sî les le vast bidošale thai le illesa ujo, kukoa kai či del pehko duxo koa xoxaimos, thai či solaxal kaste athavel.

⁵Kodoa lela o dinodumadămišto le Raiehko, O limos pala o kamimos Lehko dino le Devllestar te skăpimahko.

⁶Dikta e rig le mandimasti kolengo kai akharăn Les, kolengo kai roden o Mui Tiro, O Dell le Iakovohko. (Atardimos) .

⁷Udara, vazden tumară šeră; vazden tume, udara vešnikurea, kaste šol pe o Thagar la slavako!

⁸„Kon sî kadoa Thagar la slavako?” O Rai kukoa o zuralo thai zuralimasa, o Rai zuralo ande pehkă mardimata.

⁹Udara, vazden tumengă le šeră; vazden le, udara vešničea, kaste šol pe o Thagar la slavako!

¹⁰„Kon sî kadoa Thagar la slavako?” O Rai le oštirengo. O sî o Thagar la slavako! (Atardimos) .