Read Kalderash Romani Cornilescu Bible 2020 (Romania) Psalmea 26 Bible Online

Psalmea 26 - Kalderash Romani Cornilescu Bible 2020 (Romania) bible

Psalmea 26

¹Khă psalmo le Davidosti. Kăr mangă čeačimos, Raia, kă phirau bidošalimahko, thai pateau ma ando Rai, bi te dau parpale.

²Rode ma, Raia, zumau ma, nakhau mangă andoa bou le rîičea thai o illo!

³Kă o lašimos Tiro sî angla mîŕă iakha, thai phirau ande Tero čeačimos.

⁴Či bešeau andekhthan le manušença le xoxamne, thai či phirau andekhthan le manušença le čioŕ.

⁵Či dabadikhau o tidimos kolengo kai kărăn nasul, thai či bešeau andekhthan kolença kai kărăn jungalimata.

⁶Xalavau mîŕă vast ando bidošalimos, thai kadea okoli o altarii Tiro, Raia,

⁷kaste anav naismata, thai te phenau sa Tiră šukarimata.

⁸Raia, me kamau o than le Khărăhko Tiro, thai o than ande sao bešel Ti slava.

⁹Na le muŕo duxo andekhthan le bezexalença, či e čivava le manušença kai šorăn rat,

¹⁰savengă vast sî bikrisako, thai savendi čeači sî pherdi mita!

¹¹Me phirau ando bibezexalimos; skăpisar ma, thai aveltu mila mandar!

¹²O punŕo muŕo bešel po drom kukoa o čeačio: dauadumadămišto le Raies andel tidimata.