Read Kalderash Romani Cornilescu Bible 2020 (Romania) Psalmea 28 Bible Online

Psalmea 28 - Kalderash Romani Cornilescu Bible 2020 (Romania) bible

Psalmea 28

¹Khă psalmo le Davidosti. Raia, karing Tute çîpi. Muro kotorbaŕăhko! Na aši kašuko ka muŕo mui, ta na varesar, kana avela Te dureos bi te des ma anglal, te arăsau sar kola kai ulen ande groapa.

²Ašun o mui mîŕă rudimatăngo, kana çîpi karing Tute, thai kana vazdau mîŕă vast karing o than Tiro kukoa o Sfînto.

³Na le ma pai phuw andekhthan kolença le jungalença thai le manušença bikrisako, Kai den duma pačeasa pehkă pašehkă, thai, kana kote, sî le nasulimos ando illo.

⁴Potin lengă pala lengă butea thai pala o nasuluimos lengă kărdimatăngo, potin lengă pala e buti lengă vastendi! De le o potindimos kai del pe lengă!

⁵Kă on či len godi kal butea le Raiehkă, kai buti Lehkă vastendi. Te peravele thai te na mai ušteavele!

⁶Dinodumadămišto te avel o Rai, kă ašunel o mui mîŕă rudimatăngo.

⁷O Rai sî e zor thai o skuto muŕo; Ande Leste pateal pe muŕo illo, thai sîm kandino. Anda kodea sî pherdo baxtalimos muŕo illo, thai lăudiu Les anda mîŕă dilea.

⁸O Rai sî e zor Pehkă poporosti, O să o Kotorlebaŕăhko skăpimahko Lehkă makhlehko.

⁹Skăpisar, Raia, o poporo Tiro, thai dedumadămišto Teo mandimos! Av o bakreari thai o nikărditorii lengo ando veako.