Read Kalderash Romani Cornilescu Bible 2020 (Romania) Psalmea 32 Bible Online

Psalmea 32 - Kalderash Romani Cornilescu Bible 2020 (Romania) bible

Psalmea 32

¹Khă psalmo le Davidohko. Khă dilabaimos. Baxtalo kolestar la bikrisako iertime, thai kolestar la bezexatar garadi!

²Baxtalo le manušestar, savehkă či lel sama o Rai o bezexalimos, thai ando duxo savehko nai čiorimos!

³Sode čiro ašilem muto, bilanas mîŕă kokala le çîpimahkă mîŕă biatărdimahkă.

⁴Kă des thai reat o vast Tiro mekălas pe pa mande; Kă šuteolas mîŕî zor sar šuteol e phuw andoa tatimos le milahko. (Atardimos) .

⁵Atunčeara me phendem Tukă mîŕî bezex, thai či garadem mîŕî bikris. Phendem: „Phenaua le Raiehkă mîŕă bikrisa!” Thai Tu iertisardean e doši mîŕa bezexati. (Atardimos) .

⁶Anda kodea orsao manuši pateamno te rudil pe Tute koa čiro dino! Thai orta te šordeona paia bară, les či azbanas les dă fel.

⁷Tu san muŕo arakhasdimos, Tu ankalaves ma andoa kăznimos, Tu desmaroata dilabaimatănça skăpimahkărănça. (Atardimos) .

⁸„Me-phenel o Rai — sîkavaua tu, thai sîkavaua tukă o drom kai trăbul te jeas pe leste, phenaua tukă, thai avela ma o dikhlimos ortome pa tute.”

⁹Na aven sar khă grast, or khă magari bi prinjandimahko, saves thos lehkă khă salavari thai khă xamo kai phandes lehkă, kaste na pašol tutar.

¹⁰Butendar dukha sî les rig koles le jungales, ta kukoa kai pateal pe ando Rai, sî dinoroata Lehka milatar.

¹¹Bibezexalengo, bukurin tume ando Rai thai vesălin tume! Ankalaven çîpimata bukurimaghkă, sa kukola le illesa bi bezexako!