Read Kalderash Romani Cornilescu Bible 2020 (Romania) Psalmea 33 Bible Online

Psalmea 33 - Kalderash Romani Cornilescu Bible 2020 (Romania) bible

Psalmea 33

¹Bibezexango, bukurin tume ando Rai! Le manušengă bi bezexako bešelengă mišto o dilabaimos la lăudako.

²Lăudin le Raies la arfasa, lăudin Les la lăutasa deše koardença.

³Dilaban Lehkă khă dili nevi! Kărăn te ašundeol pe le koarde thai le muia tumară!

⁴Kă o Divano le Raiehko sî čeačio, thai sa Lehkă butea pherdeon pateaimasa.

⁵O kamel o čeačimos thai o bibezexalimos; o lašimos le Raiehko pherăl e phuw.

⁶Le čerurii sas kărdine andoa Divano le Raiehko, thai sai oštirea lendi andoa phurdimos Lehkă mohko.

⁷O tidel le paia la mareakă andekh dîmpo, thai thol le andraimata andel odăiçe.

⁸Sai phuw te daral le Raiestar! Sal manuši la lumeakă te isdran angla Leste!

⁹Kă o phenel, thai kărdeol pe; mothol thai so mothol astarăl traio.

¹⁰O Rai amboldel le divabnuri le Neamurengă, phaŕavel le planuri le popoarengă.

¹¹Ta le divanuri le Raiehkă ašen ando veako, thai le planuri Lehkă illehkă, ando neamo neamoste.

¹²Baxtalo o poporo, savehko Dell sî o Rai! Baxtalo le poporostar, kai alol Pehkă les O mandimahko!

¹³O Rai dikhăl opral andoa učimos le čerurengo, thai dikhăl sa le šeaven le manušengără.

¹⁴Andoa than Lehkă thanehko, O dikhăl sa le manušen la phuweakărăn.

¹⁵O kărăl o illo saorăngo, thai lel godi ka lengă kărdimata.

¹⁶Na o barimos la oštireako skăpil le thagares, na o barimos la zorako skăpil le zurales;

¹⁷o grast našti del e zor la izbîndati, thai sai zor lesti či del o skăpimos.

¹⁸Dikta, e iakh le Raiesti dikhăl pa kukola kai daran Lestar, pa kola kai ajukrăn ando lašimos Lehko,

¹⁹kaste skăpil lengo duxo kata o merimos, thai te nikrăle čivavasa ando maškar le bokholimahko.

²⁰O duxo amaro ajukărăl ando Rai; O sî o Kandimos thai o Skuto amaro.

²¹E, amaro illo arakhăl pehkă o bukurimos ande Leste, kă same pateaimos ando Anau Lehko Kukoa o Sfînto.

²²Raia, avel e mila Tiri pa amende, pala sar ajukras la ame Tutar!