Read Kalderash Romani Cornilescu Bible 2020 (Romania) Psalmea 37 Bible Online

Psalmea 37 - Kalderash Romani Cornilescu Bible 2020 (Romania) bible

Psalmea 37

¹Khă psalmo le Davidohko. Na xoleao pe kola le jungale, thai na dikh xoleariko pe kola kai kărăn o nasul;

²kă sî šindine iekhatar sar e čear, thai šuteon sar o zălenimos.

³Patea Tu ando Rai, thai kăr o mištimos; beši ando čem, thai phir ando pateaimos.

⁴O Rai te avel teo čeailimos, thai O dela tu sa so kamela teo illo.

⁵De ti bax ando vast le Raiehko, patea Tu ande Leste, thai O kărăla buti,

⁶O kărăla te străfeal o čeačimos tiro sar e lumina, thai o čeačimos tiro sar o kham ando des.

⁷Aši muto angloa Rai, thai ajukăr ande Leste. Na xolleao pe kukoa kai izbutil ande pehkă phirimata, po manuši, kai dikhăl o pherdimos pehkă planurengă le jungale.

⁸Mekh e xolli, derigate o iuçîmos; na xolleao, kă o xollearimos nigrăl dăsar koa nasul.

⁹Anda kă kola le jungale avena xasardine, ta kola kai ajukrăn ando Rai stăpînina o čem.

¹⁰Mai xançî čiro, thai kukoa o jungalo či mai avela; dikhăsa koa than kai sas, thai či mai avela.

¹¹Kola le kovle mandinin o čem, thai sî le bravalimos pačeako.

¹²Kola le nasul kărăl planurea pa kukoa o bibezexalo, thai danddearăl andal dandd pa leste.

¹³O Rai asal le jungalestar, kă dikhăl kă avel i lehko des.

¹⁴Kola le nasul çîrden e sabia thai înkordon o arko, kaste peraven koles le bibaxtales thai čioŕăs, kaste denšuri kolen le illesa bibezexalo.

¹⁵Ta e sabia lendi šolpe orta ande lengo illo, thai linčeaon lengă arkuri.

¹⁶Mai but kărăl o xançî kolehko bibezexalo, Dă sar o bravalimos bute jungalengo.

¹⁷Kă le vast kole jungalehkă avena linčearde, ta o Rai nikrăl kolen le bibezexalen.

¹⁸O Rai prinjeanel le des le manušengă le pativalengă; thai o mandimos lengo nikrăl ando veako.

¹⁹On či ašen lajavehkă ando des le Bibaxtalimahko, thai sî le arăslimahko andel des le bibahtalimahkă.

²⁰Ta kola le jungale xasaon, thai le dušmaia le Raiehkă sî sar le mai šukar čearea: xasaon, xasaon sar o thuw.

²¹O jungalo lel unjilimasa, thai či del parpale; ta kukoa o bibezexalo sî miloso, thai del.

²²Kă kola dinedumadămišto le Raiestar stăpînin o čem, Ta kola le dinearman Lestar sî xasardine.

²³O Rai zurearăl le pašea le manušehkă, kana čeaileol Les o drom lehko;

²⁴kana avela te perăl, nai perado dă sa, kă o Rai astarăles vastestar.

²⁵Sîmas tărno, thai phurilem, ta či dikhlem koles le bibezexales meklino, či lehkă avimatănça manglindoi pehko manŕo.

²⁶Ta o orkana sî miloso, thai del unjilimasa; thai le avimata lehkă sî dinedumadămišto.

²⁷Dureo le nasulimastar, kăr o mišto, thai ašesa ando veako.

²⁸Kă o Rai kamel o čeačimos, thai či mekăl Pehkă pateamnen. Orkana on sî tala lehko arakhaimos, ta e sămînça kolendi le jungalendi sî xasardi.

²⁹Kola le bibezexale stîpînina o čem, thai bešena ande leste ando veako.

³⁰O mui kolehko le bibezexalehko vestil o xaraimos, thai šib lesti šingarăl o čeačimos.

³¹E Kris le Devllesti sî ande Lehko illo; thai či isdran lehkă pašea.

³²Kukoa o nasul pîndil koles le bibezexales, thai rodel te mudaăll les.

³³Ta o Rai či mekăles ande lehkă vast, thai či došaveles kana avel kai kris.

³⁴Ajukăr ando Rai, arakh o drom Lehko, thai O vazdela tu kaste stăpînis o čem: dikhăsa kolen le jungalen xasardine.

³⁵Dikhlem koles le jungales ande sa lesti zor; tinzolas pe sar khă kašt zăleno.

³⁶Ta kana nakhlem o duito data, manas oče; rodem les, ta či mai dašti arakhlem les.

³⁷Dikh mai mišto ka kukoa bi bezexako, thai dikh kukoles bičiorimahko; kă o manuši la pačeako sî les rig avimatăndar.

³⁸Ta kola le vazdinitorea sî xasardine ku sa, e sîmînça kolendi le jungale sî mudardini.

³⁹O skăpimos kolengo le bibezexale avel kata o Rai; O sî o arakhaitorii lengo ando čiro le kăznimahko.

⁴⁰O Rai kandel le thai skăpile; ankalavel le anda kola le nasul thai skăpile, anda kă patean pe ande Leste.