Read Kalderash Romani Cornilescu Bible 2020 (Romania) Psalmea 39 Bible Online

Psalmea 39 - Kalderash Romani Cornilescu Bible 2020 (Romania) bible

Psalmea 39

¹Karing o maibaro le dilabaitorengo: karing O Iedutun.Khă psalmo le Davidohko. Phenauas: „Dikhaua pa mîŕă droma, kaste na bezexarau la šibasa; thoaua mangă xamo moste, sode ašela o jungalo angla mande.”

²Bešlem muto, bi te dau duma; ašilem, barem kă sîmas bibaxtalo; thai sa kadea mîŕî dukh nas mai xançî bari.

³Phabolas o illo ande mande, Khă iag andral phabarălas ma; thai atunčeara avilea mangă o divano pe šib, thai phendem:

⁴„Raia, phen mangă sao sî o gor mîŕa čivavako, savi sî e măsura mîŕă desăndi, kaste jeanau sode sîm dă nakhlitorii.”

⁵Dikta kă le des mîŕă sî sar khă lato vastehko, thai čivava mîŕî nai khanči angla Tute. E, or sao manuši sî orta khă phurdimos, or sode dă mišto nikărdeola pe. (Atărdimos)

⁶E, o manuši phirăl sar khă ušal, O kovlearăl pe dîiveantaină, Tidel mandimata, thai či jeanel kon lela le.

⁷Akana, Raia, so dašti mai ajukrau me? Ande Tute sî muŕo ajukărdimos.

⁸Skăpisar ma anda sal bikrisa mîŕă! Na kăr ma prasaimahko kolehko le dillehko!

⁹Bešau muto, či pîtărau o mui, kă Tu kărăs buti.

¹⁰De rigate mandar Te mardimata! Anklel muŕo duxo tala le mardimata Te vastengă.

¹¹Tu došaves le manušes, thai marăs les andal bikrisa lehkă: mudarăs les, sar e molima, so sîles les mai kuči. E, orsao manuši sî dăsar khă phurdimos. (Atărdimos) .

¹²Ašun muŕo rudimos, Raia, bandier Teo kan kal çîpimata mîŕă! Na aši muto anglal iasfa mîŕă! Kă sîm khă străino angla Tute, khă phirditorii, sar sa mîŕă dada.

¹³De rigate mandar Teo dikhlimos, thai mekh ma te phurdau, ji kana či jeavtar thai ten a mai avau!