Read Kalderash Romani Cornilescu Bible 2020 (Romania) Psalmea 4 Bible Online

Psalmea 4 - Kalderash Romani Cornilescu Bible 2020 (Romania) bible

Psalmea 4

¹Karing o mai baro le dilabaitorengo. Kai dilaban pe le instrumente le koardença.Khă psalmo le Davidohko. Dema anglal, kana çîpi, Devlla mîŕă bibezexalimahko: ankalau ma koa than o buflo, kana sîm koa tidimos! Avel tu mila, mandar, ašun muŕo rudimos!

²Šeave le manušengă, ji kana avela dinilajavesti e slava mîŕă? thai phirăna pala le xoxaimata? (Atardimos) Ji kana kamena mai but o khančimos

³Te jeanen kă o Rai alosardea Pehkă ăkh manuši kai kamel les: O Rai ašunel kana çîpi karing Leste.

⁴Isdran, thai na bezexarăn! Phenen e buti kadea ande tumară ille kana bešen ando than: pala kodea ašen muto. (Atardimos)

⁵Anen jertfe bibezexalimahko, thai patean tume ando Ra.

⁶But phenen: „Kon sîkavela amengă o baxtalimos?” Me phenau: „Kăr te luludearăl pa amende e lumina Te Mosti, Raia!”

⁷Tu des ma mai but bukurimos ande muŕo illo, dă sar sî le len kana buteol lengă o rodo le diwehko thai la molleako.

⁸Me sovau thai lindreauau ande pačea, kă dăsar Tu, Raia, des ma ujimos pherdo ande muŕo khăr.