Read Kalderash Romani Cornilescu Bible 2020 (Romania) Psalmea 41 Bible Online

Psalmea 41 - Kalderash Romani Cornilescu Bible 2020 (Romania) bible

Psalmea 41

¹Karing o maibaro le dilabaitorengo. Khă psalmo le Davidohko. Baxtalo kolestar kai lel sama le čioŕăstar! Kă ando des le bibaxtalimahko o Rai skăpila les;

²O Rai arakhăl les thai nikrăles ande čivava. O sî baxtalo pe phuw, thai či mekăs les koa lašo čeailimos lehkă dušmaiengo.

³O Rai nikărăles, kana sî po than la dukhako: lesnis lehkă dukha ande sa lehkă nasfalimata.

⁴Me phenau: „Raia, avel tu mila mandar! Sastear muŕo duxo! Kă bezexardem angla Tute.”

⁵Le dušmaia phenen nasulimasa pa mande: „Kana merălla? Kana xasaola lehko Anau?”

⁶Kana avel varekon te dikhăl ma, del duma bičeačimata, tidel došea kaste del ma duma dă nasul; thai kana telearăl, del duma nasulimos pa mande avreal.

⁷Sa mîŕă dušmaia šušotin maškar lende pa mande, thai patean kă o bibaxtalimos muŕo anela mangă o xasarimos.

⁸„Sî astardo dă sa, — phenen on — dikta les tele, nai te mai uštel!”

⁹Orta i kukoa kai traiuas lesa ande pačeasa, ande sao thoauas muŕo pateaimos thai sao xalas anda muŕo manŕo, vazdel i o kălkîi pa mande.

¹⁰Ta Tu, Raia, avel tu mila mandar thai vazde ma, kaste potinau lengă sar daštil pe.

¹¹Anda kadea prinjeanaua kă kames ma, kana či izbîndila ma o dušmano muŕo.

¹²Tu nikărdean ma, anda muŕo bibezexalimos, thai thodean ma ando veako angla Tute.

¹³Dinodumadămišto te avel o Rai, O Dell le Israelohko, andoa veako ande veakoste! Amin! Amin!