Read Kalderash Romani Cornilescu Bible 2020 (Romania) Psalmea 42 Bible Online

Psalmea 42 - Kalderash Romani Cornilescu Bible 2020 (Romania) bible

Psalmea 42

¹Karing o maibaro le dilabaitorengo. E dili le šeavendi le Korehkă. Sar kamel o čečerbo le isvoare le paiehkă, kadea kamel Tu muŕo duxo Tut, Devlla!

²O duxo muŕo trušaol pala o Dell, pala o Dell kukoa o juvindo; kana jeaua thai sîkadiuvaua angla o Dell?

³Iasfănça čeaileara ma i desă thai i reate, kana phenel pe mangă biatărdimahko: „Kai sî o Dell tiro?”

⁴Anau mangă godi, thai šorau sai iag mîŕă illesti ande mande, kana dauma godi sar phirauas ando maškar le butimahko, thai sar jeauas angla leste karing o Khăr le Devllehko, ando maškar le çîpimatăngo bukurimahkă thai naismahkă khă poporohko ando desobaro.

⁵Anda soste tristostu, duxona, thai roves ande mande? Ajukăr ando Dell, kă pale lăudiua Les; O sî o skăpimos muŕo thai o Dell muŕo.

⁶Sî tristo o duxo ande mande, Devlla; anda kodea Tute dau ma godi, andoa čem le Iordanohko, andoa Xermono, thai andoa baŕobaro Miçearo.

⁷Khă valo akharăl aver valo, koa ašundimos le peraimahko Te paiengă; sa le paia thai le valurea Tiră nakhăn pa mande.

⁸Desă, o Rai delas ma Pesti mila, ta reate, dilabauas Lehkă lăudimata, thai vazdauas khă rudimos le Devllehkă mîŕa čivavakă.

⁹Anda kodea, phenau le Devllehkă, o Kotorlebaŕăhko mîŕăhko: „Anda soste bîstrăs ma? Anda soste trăbul te phirau pherdo tristomos, tala o meklimos le dušmaiengo?

¹⁰Fal kă linčeaon mîŕă kokala la sabiasa kana prasan ma mîŕă dušmaia, thai phenen biatărdimahko: „Kai sî teo Dell?”

¹¹Anda soste tristostu, duxona, thai roves ande mande? Ajukăr ando Rai, kă pale lăudiua Les; O sî o skăpimos muŕo thai o Dell muro.