Read Kalderash Romani Cornilescu Bible 2020 (Romania) Psalmea 44 Bible Online

Psalmea 44 - Kalderash Romani Cornilescu Bible 2020 (Romania) bible

Psalmea 44

¹Karing o maibaro le dilabaitorengo. E dili le šeavendi le Korehkă. Devlla, ašundem amară kanença, Thai amară dadda phendine amengă Le butea, kai kărdean le ande Lengo čiro, ande le des kai nakhline.

²Te vastesa, našadean neamurea, Kaste thosle len, Maladean popoare, kaste tinzosle len.

³Ta na anda lendi sabia thodine O vast po čem, Na lengă vast skăpisarde le, ta e čeači Tiri, o vast Tiro, e lumina Te Mosti, Anda kă kamesas le.

⁴Devlla, Tu san o Thagar Muŕo: Motho o skăpimos le Iakovohko

⁵Tusa peravauas le dušmaien Amarăn, Te Anavesa linčearauas le dušmaien Amarăn.

⁶Kă na ando arko muŕo pateau ma, Na e sabia mîŕî skăpila ma;

⁷Ta Tu skăpisarăsa ame le dušmaiendar Amarăndar, Thai des lajavehko kolen kai či dabadikhăn ame.

⁸Ame, ande sako des, lăudisauas le Devllesa, thai orkana slăvisaras o Anau Tiro. (Atărdeaimos)

⁹Ta Tu či šudes ame, garaves ame Lajavestar, Na mai ankli amară oštirença;

¹⁰kărăs ame te das le zăia angloa Dušmano, Thai kola kai či dabadikhăn ame, vazden limata line Amendar.

¹¹Des ame sar varesar bakrea xamaskă, Thai phaŕadean ame maškar le neamuri.

¹²Bitines Te poporos pe khančeste, Thai či dines les kučimahko potindimos.

¹³Kărs ame prasaimahkă anglal paše Amară, lajavehkă thai asamahkă kolengăkai Denameroata.

¹⁴Kărăs ame khančehko maškar le neamuri, Thai doši mištimasti andoa šero Maškar le popoare.

¹⁵O prasaimos muŕo sî orkana Angla mande, Thai o lajau garavel muŕo mui,

¹⁶koa mui kolehko kai prasal ma thai delma armaia, Koa dikhlimos le dušmanohko thai Le ambolditorehko.

¹⁷Sa kadala kărdeon pe amengă, Bi ka ame Te bîstărdino Tu, Bi te ušteadino o phanglimos Tiro:

¹⁸e, o illo či dureardea pe, Le pašea či durile poa drom Tiro,

¹⁹kaste linčearăs ame ando than Le šakalengo, Thai te garaves ame la ušaleasa le mullimasti.

²⁰Kana bîstărdino o Anau Le Devllehko amarăhko, Thai te tinzosardine le vast karing aver Dell străino,

²¹nahkă jeanel o Dell e buti Kadea, O, kai prinjeanel sal garaimata le illehkă?

²²Ta anda e doši Tirisam Dinešuri ande sako des, Sam dikhline sar varesar bakreadine Andoa šindimos.

²³Ušti Ta! Na šude ame ando veako!

²⁴Anda soste garaves Teo Mui? Anda soste bîstrăs o bibaxtalimos thai o arakhaimos Amaro?

²⁵Ko duxo same perado ande phuw tristomastar, O stato amaro sî astardo phuweatar.

²⁶Ušti Ta, kaste kandes ame! Skăpisar ame, anda Tiro lašimos!