Read Kalderash Romani Cornilescu Bible 2020 (Romania) Psalmea 45 Bible Online

Psalmea 45 - Kalderash Romani Cornilescu Bible 2020 (Romania) bible

Psalmea 45

¹Karing o maibaro le dilabaitorengo. Dilabaimahko sar dilaban pe: „Le rinea” Khă psalmo le šeavendi le Korehkă.Khă dilabaimos. Khă dilabaimos kamblimahko. Divanuri pherde šukaimos tireon mangă ando illo, thai phenen: „E buti mîŕî le lăudimastti sî andoa Thagar!” Sar o por le ramaitorehko godeaver te avel mîŕî šib!

²Tu san o mai šukar maškar le manuši, o xaro sî šordo pe tiră ušt: anda kodea deatudumadămišto o Dell ando veako.

³Mardimahko zuralo, phande ti sabia, — e podoaba thai slava,

⁴e, ti slava! — Av izbîndimahko, ankli ando urdon tiro le mardimahko, arakh o čeačimos, o lašimos thai o bibezexalimos, thai e čeači tiri te străfeal anda šukar butea!

⁵Le săjeçî tiră te aven skuçome: tala tute perăna popoare, thai le săjeçî tiră pusavena o illo le dušmaiengo le thagarehkă.

⁶O skamin Tiro le raimahko, Devlla, sî vešniko; e rowli le raimasti le thagarimahko Tiro sî khă rowli čeačimasti.

⁷Tu kames o bibezexalimos, thai či dabadikhăs o nasulimos. Anda kodea, Devlla, o Dell Tiro makhlea Tu zetinosa bukurimahko, mai opră dă sar le jene Tiră kandimahkă.

⁸E smirna, e aloia thai kasia pherăn sa te çoale khandimastar šukar; andel khăra tiră le thagarine andoa fildešo vesălin tu le instrumenturea le koardença.

⁹Maškar le but kamblinea tiră sî šeia Thagarinengă; e thagarni, e tărni tiri, bešel ande čeači tiri, xureadi sumnakasa andoa Ofiro.

¹⁰Ašun, šeie, dikh thai bandear teo kan; dikh o poporo tiro thai o khăr te daddehko!

¹¹Thai atunči o thagar kamela teo šukarimos. Thai anda kă sî o Rai tiro, an lehkă te rudimata.

¹²Thai e šei le Tirosti, thai kola le mai bravalea andoa poporo phirăna pativença kaste len o lašimos tiro.

¹³E šei le thagaresti sî pherdi străfeaimos andral o khăr o thagarino; Oi phiravel khă raxami astardi sumnakasa.

¹⁴Sî andini angloa thagar, xureadi çoalença astardine ando gherghefo, thai pala late le šeia, lakă prinjeandea, kai sî andine tute.

¹⁵On sî andine ando maškar le bukurimahko thai la vesălimahko, thai šon pe ando khăr le thagarehko.

¹⁶Le šeave lengă lena o than te daddengo; thosa le te rain ande soa čem.

¹⁷Anda neamoste ande neamoste pomenina teo anau: anda kodea andel veči le veakurengă lăudina tu le popoare.