Read Kalderash Romani Cornilescu Bible 2020 (Romania) Psalmea 46 Bible Online

Psalmea 46 - Kalderash Romani Cornilescu Bible 2020 (Romania) bible

Psalmea 46

¹Karing o maibaro le dilabaitorengo. Khă psalmo le šeavendi le Korehkă. Dă dilabaimos po almoto. Khă dilabaimos. O Dell sî o garaimos thai o nikărdimos amaro, khă kandimos, kai či lipsol căkhdata kana trăbul ame.

²Anda kodea či daras, orta te zdrunčinila pe e phuw, thai te perăna le baŕlebară ando illo le mărengo.

³Kana te xunxuina thai zolina le valurea la mareakă, thai vazdena pe ji oče ta te isdran le baŕlebară. (Atărdimos) .

⁴Sî khă nanilaši, savehkă isvoare vesălin e četatea le Devllesti, o sfînto than le thanengo Kolehkă But Baro.

⁵O Dell sî ando maškar lako: oi Či zdrunčinila pe; o Dell kandela la ando luludearimos le desăhko.

⁶Le neamuri kovlearăn pe, le thagarimata mištin pe, ta o mui Lehko ašundeol, thai e phuw bilal daratar.

⁷O Rai le oštirengo sî amença, o Dell le Iakovohko sî khă turno skăpimahko anda amende. (Atărdimos) .

⁸Aven thai dikhăn le butea le Raiehkă, le pustimata, kai kărdea le O pe phuw.

⁹O thodea gor le mardimatăngă ji koa gor la phuweako; O linčeardea o arko, phaglea e suliça, phabardea iagasa le urdona le mardimatahkă.

¹⁰Atărdeon ta, thai te jeanen kă Me sîm o Dell: Me stăpîni pal neamuri, Me stăpîni pai phuw.

¹¹O Rai le oštirengo sî amença. O Dell le Iakovohko sî khă turno skăpimahko anda amende. (Atărdimos) .