Read Kalderash Romani Cornilescu Bible 2020 (Romania) Psalmea 47 Bible Online

Psalmea 47 - Kalderash Romani Cornilescu Bible 2020 (Romania) bible

Psalmea 47

¹Karing o maibaro le dilabaitorengo. Khă psalmo kărdino le šeavendi le Korehkă. Marăn andal pălmi, sal popoare! Vazden le Devllehkă çîpimata bukurimahkă!

²Kî o Rai, O But Baro, sî daraimahko: O sî Thagar pa sai phuw.

³Lehkă sî meklineine sa le popoare, O thol le neamuren tala amară pînŕă;

⁴O alol amaro mandimos, Eeslava le Iakovosti, kai kamel les. (Atărdimos) .

⁵O Dell anklel ando maškar le çîpimatăngo le bukurimahkă, o Rai jeal angle ando bašimos la šingako.

⁶Dilaban le Devllehkă, dilaban! Dilaban amară Thagarehkă, dilaban!

⁷Kă o Dell sî thagar pe sai phuw: dilaban khă dili godeaver!

⁸O Dell thagaril pa sal neamuri, o Dell bešel po skamin Lehko le raimahko kukoao sfînto.

⁹Le raitorea le popoarăngă tiden pe andekhthan le poporosa le Devllehkărăsa le Avraamohko; kă le Devllehkă sî le skuturi la phuweakă: O sî mai baro thai mai opră dă sa.