Read Kalderash Romani Cornilescu Bible 2020 (Romania) Psalmea 48 Bible Online

Psalmea 48 - Kalderash Romani Cornilescu Bible 2020 (Romania) bible

Psalmea 48

¹Khă dilabaimos. Khă psalmo kărdino le šeavendi le Korehkă. Baro sî o Rai thai lăudime dă sa, ande četatea amară Devllehkă, po baŕbaro Lehko o sfînto.

²Šukar učimos, o bukurimos sa la phuweako, sî o baŕbaro le Sionohko; ande rig kataravelereat sî e četatea le Bară Thagaresti.

³O Dell, andel khăra Lehkă le thagarne, sî prinjeando sar khă turno skăpimahko.

⁴Kă dikta kă le thagar tidesas pe: ta dăsar nakhle andekhthan,

⁵dikhle'la, çăpenisai'le, Darai'le, thai linela te našen.

⁶Astardea le khă isdraimos oče, sar e dukh kha juwleati kana kărăl.

⁷Sas našade ta fal kă sas line la bravalleatar kataranklelodes, kai linčearăl le beruri andoa Tarsis.

⁸Orta sar ašundemas phendindoi pe, kadea dikhlem ande četatea amară Devllesti: o Dell kărălala la te ašel ando veako. (Atărdimos) .

⁹Devlla, koa lašimos Tiro, das ame godi, ando maškar Te Templohko!

¹⁰Sar i Teo Anau, Devlla, thai lauda Tiri ašundeol pe ji koa gor la phuweako; e čeači Tiri sî pherdi mila.

¹¹Bukuril pe o baŕbaro le Sionohko, thai veselin pe le šeia le Iudahkă anda Te krisa.

¹²Phirăn o Siono thai denlesroata, dinen lehkă turnurea,

¹³dikhăn lehko zuralimos, thai roden lehkă avlina, kaste phenen kolengă kai avena pala lende.

¹⁴Dikta, o Dell kadoa sî o Dell amaro ando veako le veakurengo; O avela o phiraitorii amaro ji koa merimos.