Read Kalderash Romani Cornilescu Bible 2020 (Romania) Psalmea 49 Bible Online

Psalmea 49 - Kalderash Romani Cornilescu Bible 2020 (Romania) bible

Psalmea 49

¹Karing o maibaro le dilabaitorengo. Khă psalmo le šeavendi le Korehkă. Ašunen e buti kadea, sa le popoare, len godi, sal manuši la lumekă:

²çînoră thai bară, bravale thai čioŕă!

³Muŕo mui dela duma divanuri godeaver, thai o illo muŕo sî les gîndurea pherde krisakă.

⁴Me bandearau muŕo kan kal sîkaimata kai sî mangă phurdine, pîtrau mîŕî dili ando bašimos la xarpako.

⁵Anda soste te darau andel des le bibaxtalimahkă, kana denmaroata e bikris mîŕă dušmaiendi?

⁶On patean pe ande pehkă bravalimata, thai den pe bară ande pehko bravalimos.

⁷Ta našti te potinen pe iekh pe aver, čina te del le Devllehkă o lov le potindimahko.

⁸O potindindimos lengo duxohko sî kaditi dă kuči, kă či kărdeola pe čiăkhdata.

⁹Či traina ando veako, naštin te na dikhăn o mormînto.

¹⁰E, dikhăna les: kă le xarane merăn, o dilo thai o čealado lidui merăn, thai mekăn avrăngă pehkă mandimata.

¹¹On den pe godi kă vešniko avena lengă khăra, kă lengă thana ašena ando veako le veakohko, on, kai den o anau lengo kal čema bară.

¹²Ta o manuši thodino ande pativ či ašel, ta sî sar le jivine kai šindeon pe.

¹³Dikta so bax sîle len, kodala pherde dă kaditi pateamos, sar i kola kai phirăn pala lende, savengă čeaileon lengă divanuri. (Atărdimos).

¹⁴Sî nigărde sar khă kîrdo ando than kai sî le mulle, xale o mullimos, thai iekhatar le manuši bibezexale ušteaven le andel pînŕă: jealtar lengo mîndrimos, thai o than le mullengo sî lengo bešlimos.

¹⁵Ta mangă o Dell skăpila muŕo duxo anda o than le mullengo, kă lela ma tala Pehko arakhaimos. (Atărdimos).

¹⁶Na dara kana bravaol varekon, thai kana buteon le bravalimata lehkă khărăhkă;

¹⁷kă či lel khanči pesa kana merăll: Le bravalimata lehkă či ulen pala leste.

¹⁸Sa te pateal pe o manuši baxtalo ande čivava, sa telăudil pe le bukurimatănça kai kărăl pehkă le,

¹⁹kă sa ando than pehkă daddengo jeala, thai či mai dikhăla e lumina čiăkhdata.

²⁰O manuši thodino ande pativ, thai bi prinjeandimahko, sî sar le jivine kai šines le.