Read Kalderash Romani Cornilescu Bible 2020 (Romania) Psalmea 5 Bible Online

Psalmea 5 - Kalderash Romani Cornilescu Bible 2020 (Romania) bible

Psalmea 5

¹Karing o mai baro le dilabaitorengo.Dilabaindoi pe le flautosa.Khă psalmo le Davidohko. Bandear Teo kan ka mîŕă divanuri, Raia! Ašun mîŕă vatimata!

²Le sama ka mîŕă çîpimata, muŕo Thagar thai o Dell muro, kă karing Tute rudi ma!

³Raia, ašun muŕo mui, dădroboitu! Dădroboitu me orto muŕo rudimos karing Tute, thai ajukărau.

⁴Kă Tu či san khă Dell savehkă te čeaileol Les o nasul; kukoa o jungalo našti bešel paša Tute.

⁵Le dile našti bešen paša Tiră iakha; Tu či dabadikhăs kolen kai kărăn e bikris,

⁶thai xasarăs kolen le xoxamnen; O Rai či dabadikhăl le manušen kai šorăn o rat thai xoxaven.

⁷Ta me, ande Tiri bari milla, dašti te šoau ma ande Teo khăr, thai te rudi ma darasa ande Teo Templo kukoa o sfînto.

⁸Raia, phir ma po drom čeailo Tukă, andai zan le dušmaiendi mîŕăndi! Lašar o drom Tiro tala mîŕă pînŕă.

⁹Kă nai khanči čeačio ande lengo mui; o illo lengo sî pherdo jungalimos, lengo gîrteano sî khă mormînto pîtărdo, thai pe šib sî le divanuri čeaŕlimahkă.

¹⁰Malav le sar varesar došalen, Devlla! Kăr le te perăn orta anda lengă divanuri. Šude le ando maškar lengă bezexăngo bi dindimahkă! Kă vazden pe pa Tute.

¹¹Atunčeara sa kola kai patean pe ande Tute, bukurina pe, vesălina pe orkana, kă Tu les sama lendar. Tu avesa o bukurimos kolengo kai kamen o Anau Tiro.

¹²Kă Tu desdumadămišto koles bibezexalo, Raia, Thai okolis les Te lašimasa, sar desangali sar khă skuto.