Read Kalderash Romani Cornilescu Bible 2020 (Romania) Psalmea 51 Bible Online

Psalmea 51 - Kalderash Romani Cornilescu Bible 2020 (Romania) bible

Psalmea 51

¹Karing o maibaro le dilabaitorengo. Khă psalmo le Davidohko.Kărdo kana avilo leste o prooroko o Natano, pala so šuteasas pe o Davido kai Bat-Šeba. Aveltu mila mandar, Devlla, ando lašimos Tiro! Pala e mila Tiri e bari, khos mîŕă bikrisa!

²Xalau peste sa muŕo bezexalimos, thai ujar ma mîŕa bezexatar!

³Kă prinjeanau mišto mîŕă bikrisa, thai e bezex mîŕî bešel biatărdimahko angla mande.

⁴Pe Tute, dăsar pa Tute, bezexardem thai kărdem so sî nasul angla Tute; kadea kă avesa čeačio ando mothodimos Tiro, thai bi došako ande kris Tiri.

⁵Dikta kă sîm kărdo ande bikris, thai ande bezex ašiliphari mîŕî dei.

⁶Ta Tu mangăs koa čeačimos te avel ando andral le illehko: kăr kadea te šol pe o xaraimos ande mande andral!

⁷Ujar ma le isoposa, thai avaua ujo; xalau ma, thai avaua mai parno sar o iw.

⁸Kăr ma te ašunau vesălimos thai bukurimos, thai le kokala, kai linčeardean le Tu, bukurina pe.

⁹Ambolde Teo dikhlimos kata le bezexa mîŕă, khos sal bikrisa mîŕă!

¹⁰Neviar ande mande khă illo ujo, Devlla, tho ande mande khă duxo neo thai biparuglino!

¹¹Na šude ma katoa Mui Tiro, Thai na le mandar o Duxo Tiro kukoa o Sfînto.

¹²De ma pale o bukurimos le skăpimahko Tiro, thai nikăr ma khă duxosa lašimatahko!

¹³Atunčeara sîkavaua le droma Tiră kolen kai ušteaven le, thai le bezexale amboldena pe Tute.

¹⁴Devlla, Devlla, mîŕă skăpimahko! Iertisar ma anda e doši le ratesti šordino, thai šib mîŕî lăudila e milla Tiri.

¹⁵Raia, pîtăr mîŕă ušt, thai o mui muŕo vestila e lauda Tiri.

¹⁶Te kamblino jertfe, sahkă anau Tukă: ta Tut na čeaileon Tu le phabarimata dă sa.

¹⁷Le jertfe čeaile le Devllhkă sî khă duxo linčeardo: Devlla, Tu či šudes khă illo linčeardo thai tristome.

¹⁸Ande mila Tiri, šor Te lašimata poa Siono, thai vazde le zîdurea le Ierusalimohkă!

¹⁹Atunčeara lesa jetfe bibezexale, phabarimata dă sa thai jertfe întreguri; atunčea anena pe po altarii Tiro guruwiça.