Read Kalderash Romani Cornilescu Bible 2020 (Romania) Psalmea 53 Bible Online

Psalmea 53 - Kalderash Romani Cornilescu Bible 2020 (Romania) bible

Psalmea 53

¹Karing o mai baro le dilabaitorengo.Khă dilabaimos Po flauto. Khă dili le Davidosti. O dilo phenel ande pehko illo: „Nai Dell!” Rimosai'le ăl manuši, kărdine bikrisa jungale, nai či iekh kai te kărăl o mištimos.

²O Dell dikhăl opral andoa čerii pa le šeave le manušengă, kaste dikhăl kana sî varekon kai te avel iekh godeaver, thai te rodel le Devlles.

³Ta sa xasai'le, sa rimosai'le; nai či iekh kai te kărăl mišto, barem iekh.

⁴„Thai xasardine kadea pesti godi kola kai kărăn e bikris, ta xan Mîŕă poporos, sar xan o manŕo, thai či akharăn le Devlles?”

⁵Atunčea isdrana daratar, bi te avel vareso daraimahko; o Dell phaŕavela le kokala kolengă kai aven pa tute, kărăsa le lajavehkă, kă o Dell šudea le.

⁶O! kon va kărăla te telearăl andoa Siono o skăpimos le Israelohko? Kana anela o Dell parpale le astarden le mardimahkă Lehkă poporohkă, o Iakovo vesălila pe, thai o Israelo bukurila pe.