Read Kalderash Romani Cornilescu Bible 2020 (Romania) Psalmea 56 Bible Online

Psalmea 56 - Kalderash Romani Cornilescu Bible 2020 (Romania) bible

Psalmea 56

¹Karing o mai baro le dilabaitorengo.Dilabal pe sar „O gulumbo andal stejarea le dureaimahkă.” Khă dilabaimos lăudimahko le Davidohko. Kărdo kana astarde les le Filistenea ando Gat. Avel tu mila mandar, Devlla! Kă varesar manuši našen pala ma. Soŕo des kărăn mangă mardimos thai kăznin ma.

²Soŕo des našaven ma mîŕă dušmaia, sî but, mardeon mança sar varesar barimatănça.

³Or sodivar darau, me pateau ma ande Tute.

⁴Me lăudiua ma le Devllesa, Lehkă Divanosa. Patea ma ando Dell, thai či darau khančestar: so dašti kărăn mangă varesar manuši?

⁵Andeiekh on azban mîŕă čeačimata, thai nai le dăsar godimata nasul anda mande.

⁶On den pe duma, pîndin thai phirăn pala mande, anda kă kamen te len mîŕî čivava.

⁷On çîrden ajukărimos te skăpin anda pesti bikris: peraven le popoaren, Devlla, ande Tiri xolli!

⁸Tu dines le pašea mîŕa čivavakă le phirimasti; tho mîŕă iasfa ande teo burdufo: nai on ramome ando lill Tiro?

⁹Le dušmaia mîŕă den parpale, ando des kana akharau Tu: jeanau kă o Dell nikrăl ande mîŕî Rig.

¹⁰Me lăudua ma le Devllesa, le Divanosa Lehko, e, lăudiua ma le Raiesa, Lehkă Divanosa.

¹¹Patea ma ando Dell, thai či darau khančestar: so dašti kărăn mangă varesar manuši?

¹²Devlla, trăbul te pherau le solaxaimata kai kărdem Tukă le; Anaua Tukă jertfe naismahkă.

¹³Kă skăpisardean muŕo duxo katoa mullimos, arakhlean mîŕă pînŕă te na perăn, kaste phirau angloa Dell, ande lumina kole le juwindendi.