Read Kalderash Romani Cornilescu Bible 2020 (Romania) Psalmea 57 Bible Online

Psalmea 57 - Kalderash Romani Cornilescu Bible 2020 (Romania) bible

Psalmea 57

¹Karing o mai baro le dilabaitorengo. „Na xasar le.” Khă dilabaimos lăudimahko le Davidohko. Kărdi kana Našlo ando thanšudro, kana phirălas o Saulo pala leste. Avel Tu mila mandar, Devlla, avel Tu mila mandar! Kă ande Tute pateal pe muŕo duxo; Kai ušal te phakăndi rodau mangă than skăpimahko, ji kana nakhăna sal bibaxtalimata.

²Me çîpi karing o Dell, karing Kukoa o But Baro, karing o Dell, kai kărăl buti anda mande.

³O tradela mangă skăpimos andoa čerii, ando čiro so o dušmano muŕo šudel mangă prasaimata. E, o Dell tradela o lašimos thai o pateaimos.

⁴O duxo muŕo sî varesar maškar leia: bešeau suto maškar iekhă manušengă kai šorăn iaga, ando maškar une manušengă savengă dandd sî suliçî thai săjeçî, thai savendi šib sî khă sabia skuçome.

⁵Vazde Tu pal čerurii, Devlla, pa sai phuw te tinzol pe Ti slava!

⁶O tinzosardesas khă phal tala le pînŕă mîŕă; o duxo muŕo bandeolas, thai xunadesas mangă khă groapa angle: ta peline on ande late. (Atărdimos)

⁷Muŕo illo sî zuralo, Devlla, Muŕo illo sî zuralo; Dilabaua, e, thai bašavaua andal instrumente mîŕă.

⁸Ušti ta, duxona! Ušten ta, lăută thai xarfă! Ušteaua kana phaŕadeola o des.

⁹Laudiua Tu maškar le popoare, Raia! Dilabaua Tu maškar le neamurea.

¹⁰Ko lašimos Tiro arăsăl ji kal čerururea, thai o pateaimos Tiro ji kal norea.

¹¹Vazde Tu pal čerurii, Devlla, pa sai phuw te tinzol pe Ti slava!