Read Kalderash Romani Cornilescu Bible 2020 (Romania) Psalmea 58 Bible Online

Psalmea 58 - Kalderash Romani Cornilescu Bible 2020 (Romania) bible

Psalmea 58

¹Karing o mai baro le dilabaitorengo. „Na xasar.” Khă dilabaimos lăudimahko le Davidohko. Ta, ašindoi muto kărăn tume čeačimos? Ta kadea krisînin tume bi čeačimahko, le šaven le manušengărăn?

²Dăorta! Ando illo, kărăn bičeačimata; ando čem, thon ande tol o pharimos tumară vastengo.

³Kola le nasul sî rimome dă andoa păŕ lengă deiango, le xoxamne xasaon ăkhdata ankăste andoa păŕ lengă deiango.

⁴Sî le otrava sar e otrava khă sapesti, sar e otrava kha sapneati kašuti, kai phandavel pehko kan,

⁵kai či ašunel o mui le drabarnengo, o mui le mai bujande drabarnhehko.

⁶Devlla, linčear lengă dandd adoa mui! Çîrde, Raia, le tharea kadale puingă leohkă!

⁷Te phaŕadeon orta varesar paia kai thavden! Le săjeçî, kai šuden le on, te aven varesar săjeçî točime.

⁸Te xasaol, sar khă melko, kai bilaol phirindoi; te na dikhăl o kham, sar iekh šudinigloata kha juwleati!

⁹Anglal ka tumară pirea te atearăn e iag le kanŕăsti zăleno or šuko, lela les e bravall.

¹⁰Kukoa bibezexako bukurila pe koa dikhlimos le parpalimahko; naiarăla pehkă pînŕă ando rat le jungalengo.

¹¹Thai atunčea le manuši phenena: „E, sî khă potindimos anda kukoa bi bezexako! E, sî khă Dell kai krisînil pe phuw!