Read Kalderash Romani Cornilescu Bible 2020 (Romania) Psalmea 59 Bible Online

Psalmea 59 - Kalderash Romani Cornilescu Bible 2020 (Romania) bible

Psalmea 59

¹Karing o mai baro le dilabaitorengo.” Na xasar.” Khă dilabaimos lăudimahko le Davidohko. Kărdino kana tradea o Saulo te okolin lehko khăr, kaste mudarăn les. Devlla, skăpisar ma mîŕă dušmaiendar, arakh ma le dušmaiendar mîŕăndar!

²Skăpisar ma le čiorăndar, skăpisar ma le manušendar trušale ratestar!

³Kă dikta bešen te arakhăn te len mîŕî čivava; varesar manuši telearde koa nasul kamen butea nasul pa mande, bi te avau došalo, bi te bezexardino, Raia!

⁴Sa mîŕă bidošalimasa, on prasten, lašardeon: ušti Ta, ankli angla mande, thai dikh!

⁵Raia, Devlla le oštirengo, Devlla le Israelohko, ušti Ta, kste došarăs sal neamurea! Na avel tu milači iekhăstar anda kadala bitindorea bikrisako. (Atărdimos) .

⁶Ambolden pe ande sako reat, xunxuin sar varesar jukăl, thai denroata e četatea.

⁷E, anda lengo mui xutel o nasul, pel ušt lengă sî le săbii; kă phenen: „Kon ašunel?”

⁸Ta Tu, Raia, asas lendar, Tu marăs Tukă asamos anda sal neamurea.

⁹Orsavi avela lendi zor, me ande Tute ajukărau, kă o Dell sî muŕo skăpimos.

¹⁰Devlla muŕo, ando lašimos Lehko, anklel mangă anglal, o Dell kărăl ma te dikhau pherdo o kamimos angla kola kai našaven ma.

¹¹Na mudar le, kaste na bîstrăn e buti kadea muŕo poporo, ta kăr le te phirăn, andai zor Tiri, thai perav le, Raia, o Skuto amaro!

¹²O mui lengo bezexarăl ka sako divano, kai anklel lengă pal ušt: te astardeon ande lengo barimos, kă či phenen dăsar armaia thai xoxaimata:

¹³Mudar le, ande xoli Tiri, mudar le, kaste na mai aven! Kăr le te jeanen kă thagaril o Dell poa Iakovo, ji kal gora la phuweakă. (Atărdimos) .

¹⁴Ambolden pe ande sako reat, xunxuin sar varesar jukăl, thai denroata e četatea.

¹⁵Phirăn orde thai întea pala xamos, thai phirăn e reat bi te čeaileon.

¹⁶Ta me dilabaua e zor Tiri; dădroboitu lăudiua o lašimos Tiro. Kă Tu san ăkh turno skăpimahko anda mande, khă than garaimahko ando des mîŕă nasulimahko.

¹⁷O, e Zor mîŕî! Tut lăudiua Tu, kă o Dell, o Dell muŕo kukoa o lašo, sî o turno muŕo le skăpimahko.