Read Kalderash Romani Cornilescu Bible 2020 (Romania) Psalmea 60 Bible Online

Psalmea 60 - Kalderash Romani Cornilescu Bible 2020 (Romania) bible

Psalmea 60

¹Karing o mai baro le dilabaitorengo.Dilabal pe Sar i o „Krino le phendimahko.” Khă dilabaimos lăudimahko le Davidohko, karing o sîkaimos.Kărdino kana phiravelas mardimos le Sirianença andai Mesopotamia thai le Sirianença andai Çoba thai kana amboldi'lo o Ioabo thai mardea ande Xar le Lonesti Dešudui mii Edomiçea. Raia, šudean ame, pharadean ame, thai xolleai Lean: vazde ame pale!

²Isdrardean e phuw, pharadean la; lašar lakă phaŕadimata, kă zdrunčinil pe!

³Kărdean te poporos te nakhăl andal butea le phară, Tu čeaileardean ame khă molleasa morçomasti.

⁴Dean kolen kai daran Tutar khă flako, kaste vazden les karing o lašimos le čeačimahko. (Atărdimos) .

⁵Anda kaste Te but kambline te aven skăpime, skăpisar ame andai čeači Tiri, thai ašun ame!

⁶O Dell phendea ande Lehko sfinçomos: „Ankleaua izbîndasa, Xulavaua o Sixemo, thai măsuriua e xar le Sukotosti.

⁷Muŕo sî o Galaado, Muŕo sî o Manase; O Efraimo sî e zor Mîŕă šerăsti, ta o Iuda, e rowli Mîŕî le tradimasti:

⁸o Moabo o lideano ande sao xalava Ma: poa Edomo šudau muŕo podimos: o čem le Filisteainengo çîpil bukurimastar anda e buti Mîŕî!”

⁹Kon nigrăla ma ande četatea e zureardi? Kon nigrăla ma ando Edomo?

¹⁰Ta na Tu, Devlla, kai šudean ame, thai či mai ankles, Devlla, amară oštirença?

¹¹Dea ame kandimos, kaste skăpisaras andoa năkazo! Kă o kandimos le manušehko sî dăiveantaină.

¹²Le Devllesa kărasa bară butea, thai O linčearăla amară dušmaien.