Read Kalderash Romani Cornilescu Bible 2020 (Romania) Psalmea 62 Bible Online

Psalmea 62 - Kalderash Romani Cornilescu Bible 2020 (Romania) bible

Psalmea 62

¹Karing o mai baro le dilabaitorengo. Pala o Iedutuno. Khă psalmo le Davidohko. E, numai ando Dell pateal pe muŕo duxo; lestar avela mangă o kandimos.

²E, O sî o Kotorlebaŕăhko thai o Kanditorii muŕo, o Turno muŕo le skăpimahko; čidăsar či zdrunčiniua ma.

³Ji kana šudena tume pa khă manuši, ji kana rodena saoŕă te peraven les, sar khă zîdo iekhatar te perăl, sar khă bar iekhatar te phaŕadeol?

⁴E, on thon koa drom te peravan les anda lehko vazdimos: čeaileol le o xoxaimos; le mosa dendumadămišto, ta le illesa den armaia. (Atărdimos) .

⁵E, duxona, patea tu ando Dell, kă Lestar avel mangă o ajukărimos.

⁶E, O sî o Kotorlebaŕăhko thai o Kandimos muŕo, o Turno muŕo le skăpimahko: čidăsar či mištua ma.

⁷Po Dell thol pe o kandimos thai e slava mîŕî; ando Dell sî o kotorlebaŕăhko le zuralimahko muŕo, o than muŕo le garaimahko.

⁸Popoarena, ande sako čiro, patean tume, ande Leste, šorăn tumară ille angla Leste! O Dell sî o garaimos amaro. (Atărdimos) .

⁹E, khă khančimos sî le šave le manušehkă! Xoxaimos sî le šave le manušengă! Thodine ando tol sa andekhthan, avena mai biphară dă sar khă phurdimos.

¹⁰Na patean tume ande zor le meklimasti, thai na thon tumaro ajukărimos dă iveantaină ando čiorimos; kana bareon le bravalimata, na astarăn tumaro illo lendar.

¹¹Ăkhdata dea duma o Dell, duarăs ašundem kă: „E Zor sî le Devllesti.”

¹²Tiro, Raia, sî o lašimos, kă Tu potines sakoiekhăhkă pala lehkă kărdimata.