Read Kalderash Romani Cornilescu Bible 2020 (Romania) Psalmea 64 Bible Online

Psalmea 64 - Kalderash Romani Cornilescu Bible 2020 (Romania) bible

Psalmea 64

¹Karing o mai baro le dilabaitorengo. Khă psalmo le Davidohko. Ašun muŕo mui, Devlla, kana vati ma! Arakh mîŕî čivava anda le dušmaia savendar darau!

²Arakh ma andal kărdimata kolengă le jungalengă, andoa kîrdo le muiengo le manušengo bikrisako!

³On skuçîn pesti šib sar khă sabia, šuden pehkă divanuri le kărkă, sar varesar săjeçi,

⁴kaste çîrden čioreal pa kukoa o bibezexalo: çîrden pa leste kanačiajukrăl pe, bi či kha darako.

⁵On muršeaon ando nasulimos lengo: den pe duma andekhthan te tinzon astardimata, Thai phenen: „Dikta ne gorăste, o plano sî kărdo!”

⁶Khă prăpastia sî ande lende thai ando illo sako iekhăhko!

⁷Ta o Dell šudel le săjeçi pa lende: andakhdata dikta le malade.

⁸Lendi šib kărdea lengo peraimos; thai saoŕă kai dikhăn le, bandearăn andoa šero.

⁹Sal manuši sî astarde daratar, thai phenen: „Dikta so kărdeao Dell!” Thai prinjeanen kă kadea sî e buti Lesti!

¹⁰Kukoa o bibezexalo bukuril pe ando Rai thai ande Leste rodel pehkă o skăpimos; saoŕă kukola le illesa bibezexalo lăudin pe kă sî baxtale.