Read Kalderash Romani Cornilescu Bible 2020 (Romania) Psalmea 65 Bible Online

Psalmea 65 - Kalderash Romani Cornilescu Bible 2020 (Romania) bible

Psalmea 65

¹Karing o mai baro le dilabaitorengo. Khă psalmo le Davidohko. Khă dili. Pateamasa, Devlla, avesa lăudime ando Siono, thai pherde avena le solaxaimata kai sas Tukă kărdine.

²Tu ašunes o rudimos, anda kodea sal manuši avena Tute.

³Mudarăn ma le bezexa: ta Tu iertsa amară bikrisa.

⁴Baxtalo kolestar kai alos les Tu, thai saves thos les angla Tute, kaste bešel andel barea Tiră! Čeailiuasa andoa dinodumadămišto Te Khărăhko, andoa sfinçomos Te Templohko.

⁵Ando lašimos Tiro, Tu ašunes ame andal šukarimata, Devlla amară skăpimahko, o ajukărimos sa le rigăngo durearde la phuweakă thai la mareakă!

⁶O zurearăl lebaŕlebară andoa zuralimos Lehko, thai sî phanglo zorasa.

⁷O atărdearăl o xunxuimos la mareako, o xunxuimos lengă valurengo, thai o mui le popoarengo.

⁸Kola kai bešen koa gor la lumeako daran andal šukarimata Tiră: Tu pherăs vesălimos o ankăstimos thai o peraimos o dureardo.

⁹Tu rodes e phuw thai des la bravalimos, pherăs la bravalimatăndar, thai nanišlendar devllikane, pherde paia. Tu des le div, kai dikta sar kărăs les te buteol:

¹⁰tindearăs le kotora phuweakă, linčearăs le golomozuri, kovlearăs le brîšindesa, thai desdumadămišto o lulludearimos.

¹¹Kununis o bărši le lašimatănça Tiră, thai Te pašea šorăn o bravalimos.

¹²Le islazurii le pustimahkă sî čeaileardine, thai le pleaia sî phangle vesălimasa.

¹³Le čearea pherdeon bakrea, Thai le xarea xureaven pe divesa: Saoŕă çîpin vesălimastar thai dilaban.