Read Kalderash Romani Cornilescu Bible 2020 (Romania) Psalmea 66 Bible Online

Psalmea 66 - Kalderash Romani Cornilescu Bible 2020 (Romania) bible

Psalmea 66

¹Karing o mai baro le dilabaitorengo. Khă psalmo le Davidohko. Khă dili. Vazden le Devlles çîpimatănça bukurimahkă, sal manuši la phuweakă.

²Dilaban slavă Lehkă Anavehkă, barearăn e slava Lesti andel lăudimata tumară.

³Phenen le Devllehkă: „Sode dă darardine sî le butea Tiră! andoa barimos Tea zorako, le dušmaia Tiră den duma gugles.

⁴Sai phuw delčeanga angla Tute, thai dilabal ande Ti pativ, dilabal o Anau Tiro. (Atărdimos) .

⁵Aven thai dikhăn le butea le Devllehkă! Sode dă daraimahko sî O, kana butearăl pal šeave le manušengă!

⁶O paruglea e marea ande phuw šuti, thai o nanilaši sas nakhlo le pînŕăsa: atunčea bukurisaileam ande Leste.

⁷O stăpînil ando veako, ande Lesti zor. Le iakha Lehkă phirăn palal neamurea, sar kola răstimahkă te na mai ušten pa Leste! (Atărdimos) .

⁸Dendumadămišto, popoare, amară Devlles! Kărăn te ašundeol pe o lăudimos Lehko!

⁹O garadea amaro duxo čivavasa, Thai či meklea te zdrunčinil amaro punŕo.

¹⁰Kă Tu zumadean ame, Devlla, nakhadean ame andoa bou la iagako, sar o rup.

¹¹Andean ame ande phal, thai thodean amengă khă pharimos pe amară tičiuri.

¹²Meklean le manušen te anklen pe amară šeră, nakhleam andai iag thai andoa pai: ta Tu ankaladean ame thai dean ame bravalimos.

¹³Anda kodea, jeaua ando Khăr Tiro phabarimatănça dă sa, pheraua mîŕă solaxa kărdine Tukă,

¹⁴solaxaimata, kai ankăste mangă pal ušt, kai phendeale muŕo mui kana sîmas koa strandimos.

¹⁵Anaua Tukă bakrea thulea, sar phabarimos dă sa, le thulimasa le bakrišengă, jertfiua bakrea andekhthan le busnença. (Atărdimos) .

¹⁶Aven te ašunen, sa kola kai daran le Devllestar, thai phenaua tumengă so kărdea O, mîŕă duxohkă.

¹⁷Çîpisardem karing Leste mîŕă mosa, thai iekhatar avili e lauda pe mîŕî šib.

¹⁸Te phendino butea krisînimahkă ande muŕo illo, nahkă ašunel ma o Rai.

¹⁹Ta o Dell ašundea ma, thai lea godi koa mui mîŕă rudimahko.

²⁰Dinodumadămišto te avel o Dell, kai či šudea muŕo rudimos, thai či dureardea Pehko lašimos mandar!