Read Kalderash Romani Cornilescu Bible 2020 (Romania) Psalmea 69 Bible Online

Psalmea 69 - Kalderash Romani Cornilescu Bible 2020 (Romania) bible

Psalmea 69

¹Karing o mai baro le dilabaitorengo.Dilabaimahko sar i „Le Krinea”: Khî psalmo le Davidohko. Skăpisar ma, Devlla, kă le paia len mîŕî čivava.

²Me tasuvau ande čikh, thai našti nikra ma; Pelem ande xarandră, thai den le paia pa mande.

³Natši mai çîpiu, šuteol muŕo gîrteano, bilan mîŕă iakha, dikhlindoi karing o Dell muŕo.

⁴Kola kai či dabadikhăn ma, sî mai but dă sar le ball mîŕă šerăhkă, so zurale sî kola kai kamen te xasarăn ma, kola kai po bičeačimos sî mangă dušmaia; trăbul te dau parpale so či čiordem.

⁵Devlla, Tu prinjeanes muŕo dilimos, thai sa le athadimata mîŕă nai Tukă biprinjeande.

⁶Te na ašen lajavehkă, anda mîŕî doši, kola kai ajukrăn ande Tute, Raia, Devlla le oštirengo! Te na lolleon lajavestar, andai doši mîŕî, kola kai roden Tu, Devlla le Israelohko!

⁷Kă anda Tute phiravau me o prasaimos, thai garavel o lajau muŕo mui.

⁸Arăslem khă străino anda mîŕă phral, thai khă biprinjeando andal šeave mîŕa dakă.

⁹Kă o čeačimos Te Khărăhko xal ma thai le prasaimata kolengă kai prasan tu Tut perăn pa mande.

¹⁰Rovau thai posti, thai on prasan ma.

¹¹Xureava ma ando gono, thai on marăn pehkă khălimos mandar.

¹²Kola kai bešen koa udar den duma pa mande, thai kola kai pen pimata zurale thon ma andel dilea.

¹³Ta me karing Tute vazdau muŕo rudimos, Raia, koa čiro lašardo. Ando lašimos kukoa Tiro o baro, de ma anglal, Devlla, thai de ma o kandimos Tiro!

¹⁴Ankalau ma andai čikh, kaste na mai tasuau! Te avau skăpime mîŕă dušmaiendar thai andai xarebari!

¹⁵Te na mai den le valurea pa mande!

¹⁶Ašun ma, Raia, kă o lašimos Tiro sî bigorăhko. Ande mila Tiri e bari, ambolde Te iakha karing mande,

¹⁷thai na garau o mui le robostar Tirăstar! kă sîm ando năkazo: iuçîsar ta ašun ma!

¹⁸Pašo Ta mîŕă duxostar thai skăpisar les! Skăpisar ma, andai zan le dušmaiendi mîŕăndi!

¹⁹Tu jeanes so lajau, thai so prasaimos thai so lajau kărdeol pe mangă; sal dušmaia mîŕă sî angla Tute.

²⁰O prasaimos šinel muŕo illo, thai sîm nasfalo; ajukrau te avel varekas mila mandar, ta dăivea, ajukrau te miluin ma, ta či arakhau či iekh.

²¹On thon mangă fiarea ando xabe, thai, kana mangă truši, den ma te peau šut.

²²Te parugleon lendi skafidi andekh astardimos, thoa ujimos andekh phal!

²³Te kaleon lengă iakha, thai te na mai dikhăn, thai perau butivar lengă tičiuri!

²⁴Šor Ti xoli pa lende, thai te astarăle o phabarimos Tiro astardo!

²⁵Pusto te ašel lengo bešlimos, thai khonikh te na mai bešel ande lengă çăre!

²⁶Kă on našaven koles malado Tutar, phenen le dukhauimata kolengă dukhade Tutar.

²⁷Thon aver bezeha kal bezexalimata lengă, thai te na avele rig Tea milata!

²⁸Te aven khosle andoa lill la čivavako, thai te na aven ramome andekhthan kole bibezexalença!

²⁹Me sîm bibaxtalo thai nasfalo: Devlla, o kandimos Tiro te vazdel ma!

³⁰Atunčea lăudiua o Anau le Devllehko andel dilabaimata, thai andel lăudimata barearaua Les.

³¹E buti kadea sî mai čeaili le Raiehkă, sar khă guruwiçî šingănça thai kopitença.

³²Le bibaxtale dikhle e buti kadea thai bukurin pe; tume, kai roden le Devlles, vesălo te avel tumaro illo!

³³Kă o Rai ašunel kolen le čioŕăn, thai či bidinel le astarden Lehkărăn le mardimahkă.

³⁴Te lăudin Les le čerurii thai phuw, le mări thai sa so mištil ande lende!

³⁵Kă o Dell skăpila o Siono, thai vazdela ăl četăçi le Iudahkă, on avena bešline thai line ando stăpînimos;

³⁶e sămînça Lehkă robendi lela le, thai kola so kamen o Anau Lehko bešena ande lende.