Read Kalderash Romani Cornilescu Bible 2020 (Romania) Psalmea 7 Bible Online

Psalmea 7 - Kalderash Romani Cornilescu Bible 2020 (Romania) bible

Psalmea 7

¹Khă dilabaimos roimahko le Davidohko. E dili le Raiesti andai zan le divanurendi le Beneamitohko Kuš. Raia, Devlla, ande Tute rodau muŕo skăpimos! Skăpisar ma anda sal našaitorea mîŕă thai nikăr ma,

²kaste na phaŕaven ma sar khă leo, kai nakhavel bi te xutel lehkă varekon ando kandimos.

³Raia, Devlla, kana kărdem khă kadea vareso nasul, Kana sî bikrisako le vast mîŕă,

⁴kana potindem nasulimasa koles kai trailas ande pačea mança, thai či dem drom koles kai mekălas pa mande dă iveantaină,

⁵atunčeara: te phirăl pala mande o dušmano thai te arăsăl ma, te ušteavel mîŕî čivava kai phuw, thai mîŕî slava ande poši te šudela mangă! (Atardimos)

⁶Ušti Ta, Raia, Tea xolleasa! Ušti Tapa e urgia mîŕă dušmaindi, ušti Ta kaste kandes ma, thai lašarta khă kris!

⁷Te den tu angali o tidimos le popoarăngo, thai beši mai opră sar leste, koa učimos!

⁸Raia krisînisar le popoare: kăr mangă čeačimos Raia, pala o bibezexalimos thai o bidošalimos muŕo!

⁹Uf! tho ăkhdata gor le jungalimatăngă le nasulengă, thai zurear koles le bibezexales, Tu, kai rodes le ille thai le rîničea, Devlla orta!

¹⁰O skuto muŕo sî ando Dell, kai skăpil kolen le illesa ujo.

¹¹O Rai sî khă krisînitorii orta, khă Dell kai xolleaol ande sako čiro.

¹²Kana kukoa o jungalo či amboldel pe koa Dell, o Dell askuçăl pesti sabia, çîrdel o arko, thai iakharăl,

¹³ortol pa leste săjeçi mudarditoare thai šudel lehkă săjeçi phabardimahkă!

¹⁴Dikta kă kukoa o nasul lašarăl o nasulimos, o del godi e bikris, thai kărăl o atxadimos:

¹⁵kărăl khă groapa, xunavela, thai sa o perăl ande groapa kai kărdea la.

¹⁶E bikris kai o astardea la, Amboldel pe pa lehko šero, thai xolli kai lea la, ulel parpale pe troaka lehkă šerăsti.

¹⁷Me lăudiva le Raies anda Lehko čeačimos, thai dilabaua o Anau le Raiehko, o Anau Lehko o But Baro.